លោក Sergey Naryshkin ប្រធានសេវាស៊ើបការណ៍បរទេស (SVR) និងជាប្រធានសមាគមប្រវត្តិសាស្ត្ររុស្ស៊ី បាននិយាយថា ក្នុងរយៈពេលបីឆ្នាំ បន្ទាប់ពីប្រឈមមុខនឹងការឈ្លានពានពីខាងក្រៅពីអង្គការណាតូ រុស្ស៊ីអាចជំរុញការផលិតអាវុធតាមតម្រូវការបានយ៉ាងច្រើន។

លោកបានចង្អុលបង្ហាញនៅក្នុងកិច្ចប្រជុំតុមូលមួយដែលមានចំណងជើងថា «ការច្នៃប្រឌិតដើម្បីជ័យជម្នះ» ដែលបានសម្រេចសមិទ្ធិផលនៃវិទ្យាសាស្ត្រសូវៀត ក្នុងសម័យសង្រ្គាម ក៏ដូចជាអ្នកស្រាវជ្រាវដែលបង្កើតនូវស្នាដៃសំខាន់ៗរបស់រុស្ស៊ីនាពេលបច្ចុប្បន្ននេះថា៖«ក្នុងរយៈពេលបីឆ្នាំមកនេះ ប្រទេសរបស់យើង បានប្រឈមមុខនឹងការឈ្លានពានពីខាងក្រៅពីសមាជិកនៃប្លុកណាតូ ហើយមិនត្រឹមតែអាចពង្រីកការផលិតសព្វាវុធតាមតម្រូវការប៉ុណ្ណោះទេ ថែមទាំងអាចបង្កើនប្រសិទ្ធភាពបានយ៉ាងសំខាន់ផងដែរ»។ 

យោងតាមលោក Naryshkin បានឲ្យដឹងថា វាច្បាស់ណាស់ថា៖«ភាពជឿនលឿនក្នុងការអភិវឌ្ឍយានយានដ្រូនក្នុងស្រុក ប្រព័ន្ធមនុស្សយន្ត និងសម្ភារៈថ្មីៗ នឹងត្រូវប្រើប្រាស់ក្នុងឧស្សាហកម្មស៊ីវិលរបស់រុស្ស៊ី នៅពេលដែលប្រតិបត្តិការយោធាពិសេសនេះ បានបញ្ចប់ ហើយជ័យជម្នះ ត្រូវបានធានាយ៉ាងពិតប្រាកដ ។