ប្រទេសអាល់ហ្សេរី បាននិយាយកាលពីថ្ងៃអង្គារថា ខ្លួនបានបាញ់យានដ្រូនយោធាមួយគ្រឿង នៅជិតព្រំដែនរបស់ប្រទេសនេះ ជាមួយប្រទេសម៉ាលី នៅក្នុងឧប្បត្តិហេតុដំបូង ក្នុងអំឡុងពេលភាពតានតឹងកាន់តែខ្លាំងឡើង រវាងប្រទេសទាំងពីរដែលគ្រប់គ្រងផ្នែកដ៏ធំនៃតំបន់សាហារ៉ា។

កងទ័ពរបស់ប្រទេសនេះ បាននិយាយនៅក្នុងសេចក្តីថ្លែងការណ៍មួយថា យានដ្រូនឈ្លបយកការណ៍ប្រដាប់អាវុធ បានចូលដែនអាកាសអាល់ហ្សេរី កាលពីថ្ងៃចន្ទ នៅជិតទីក្រុង Tin Zaouatine ដែលនៅ ជាប់ព្រំដែន និងជាបន្ទាយរឹងមាំសម្រាប់ក្រុមបំបែកខ្លួន Tuareg ដែលប្រឆាំងនឹងរដ្ឋាភិបាលរបស់ម៉ាលី។ កងទ័ពរបស់ប្រទេសម៉ាលី បានទទួលស្គាល់ថា យានដ្រូនរបស់ខ្លួនមួយគ្រឿង បានធ្លាក់នៅក្នុងតំបន់នេះ ប៉ុន្តែមិនបានបញ្ជាក់ថា តើវាត្រូវបានបាញ់ទម្លាក់ដោយអាល់ហ្សេរី ឬយ៉ាងណានោះទេ។

លោក Rida Lyammouri អ្នកជំនាញម្នាក់នៅមជ្ឈមណ្ឌលគោលនយោបាយសម្រាប់ New South ដែលមានមូលដ្ឋាន នៅប្រទេសម៉ារ៉ុក បាននិយាយថា ការបាញ់ទម្លាក់យានដ្រូន គឺជាជាងការចេញការព្រមាន បានបង្ហាញពីកំហឹង ដែលកំពុងកើនឡើង។

លោកបាននិយាយថា៖«នេះ បញ្ជាក់ពីភាពតានតឹងដ៏ធ្ងន់ធ្ងររវាងប្រទេស និងឆន្ទៈ និងការអត់ឱនកម្រិតសូន្យដោយ ដោយអាល់ហ្សេរី ក្នុងការអនុញ្ញាតឲ្យប្រើប្រាស់ដែនអាកាស និងទឹកដីរបស់ខ្លួនដោយកងកម្លាំងម៉ាលី។

ឧបទ្ទវហេតុនេះ កើតឡើង នៅពេលដែលភាពតានតឹងកើនឡើងរវាងប្រទេសអាល់ហ្សេរី និងប្រទេសជិតខាងភាគខាងត្បូងរបស់ខ្លួន រួមទាំងប្រទេសម៉ាលីផងដែរ។