នាយករដ្ឋមន្ត្រីអង់គ្លេស លោក Keir Starmer បានជំរុញឲ្យរាប់សិបប្រទេស សហការគ្នា ដើម្បីកម្ទេចក្រុមរត់ជនអន្តោរប្រវេសន៍លែងឲ្យមានតទៅទៀត នៅពេលលោកបើកកិច្ចប្រជុំកំពូលស្តីឧក្រិដ្ឋកម្មអន្តោ    ប្រវេសន៍ កាលពីថ្ងៃចន្ទ ទី ៣១ ខែមីនា។ 

លោក Starmer កំពុងស្វែងរកការបង្រ្កាបអ្នកស្វែងរកសិទ្ធិជ្រកកោន ដែលមកដល់ប្រទេសអង់គ្លេសតាមទូកតូចៗ ហើយបានប្រមូលផ្តុំប្រតិភូមកពីប្រទេសជាង ៤០ សម្រាប់កិច្ចប្រជុំរយៈពេលពីរថ្ងៃ នៅក្នុងទីក្រុងឡុងដ៍។ 

រដ្ឋមន្ត្រីមហាផ្ទៃបារាំង និងអាល្លឺម៉ង់ គឺស្ថិតក្នុងចំណោមអ្នកដែលចូលរួមកិច្ចប្រជុំកំពូលស្តីពីឧក្រិដ្ឋកម្មអន្តោប្រវេសន៍ ដែលត្រូវរៀបចំឡើងនេះ។ ប្រទេសចិន និងសហរដ្ឋអាមេរិក ក៏បានបញ្ជូនតំណាង មកចូលរួមដែរ។

រដ្ឋាភិបាលចក្រភពអង់គ្លេស កំពុងប្រឹងប្រែង ដើម្បីបញ្ឈប់ជនអន្តោប្រវេសន៍ដែលគ្មានឯកសារ ដែលបាន ធ្វើដំណើរតាមទូកដ៏គ្រោះថ្នាក់ ឆ្លងកាត់តាមទន្លេ Channel ពីប្រទេសបារាំង។

លោក Starmer បាននិយាយថា៖«ពាណិជ្ជកម្មដ៏អាក្រក់នេះ បានកេងយកផលប្រយោជន៍ និងប្រាក់ចំណេញពីស្ថាប័ននានា និងភាពអសមត្ថភាពរបស់យើង ក្នុងកម្រិតមួយ ដែលយើងចំាបាច់ត្រូវរួម       រួមគ្នា    ដើម្បីលុបបំបាត់ឲ្យបានជាដាច់ខាត»។