សម្ដេចតេជោថ្លែងអំណរព្រះរាជគុណ ព្រះគុណ និងអរគុណចំពោះការចូលរួមរំលែកទុក្ខមរណភាពបងប្រុស ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន

2025/04/03 03:31:38 pm        81

សម្តេចតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា នៅថ្ងៃទី៣ ខែមេសា ឆ្នាំ២០២៥នេះ បានផ្ញើសារលិខិតថ្លែងអំណរព្រះរាជគុណ ថ្លែងអំណរព្រះគុណ និងអរគុណ ព្រះមហាក្សត្រ សម្តេចម៉ែ សម្តេចព្រះសង្ឃរាជ ព្រះសង្ឃ ថ្នាក់ដឹកនាំ មន្រ្តីរាជការ និងជនរួមជាតិទាំងអស់ ដែលបានផ្ញើសារ និងចូលរួមរំលែកទុក្ខចំពោះ មរណភាព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន រដ្ឋលេខាធិការនៃក្រសួងសាធារណការ និងដឹកជញ្ជូន ដែលជាបងប្រុសរបស់សម្តេច។

តាមរយៈសារលិខិតសម្តេចតេជោ ហ៊ុន សែន ប្រមុខរដ្ឋស្តីទី បានមានប្រសាសន៍ថា សម្ដេច និងភរិយា ក្នុងនាម ក្រុមគ្រួសារ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន រដ្ឋលេខាធិការនៃក្រសួងសាធារណការ និងដឹកជញ្ជូន ដែលបានទទួលមរណភាព កាលពីថ្ងៃសុក្រ ១៥រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥ ក្នុងជន្មាយុ ៧៨ ឆ្នាំ ដោយរោគាពាធ។ ជាបឋម សម្ដេចសូម ព្រះបរមរាជានុញ្ញាត លំឱនកាយវាចាចិត្ត ថ្លែងអំណរព្រះរាជគុណ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត និងសូមលំឱន កាយវាចាចិត្ត ថ្លែងអំណរព្រះរាជគុណ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត ដែលព្រះអង្គទាំងរទ្ធ ស្ដេចទ្រង់សព្វព្រះរាជហឫទ័យ ប្រោសព្រះរាជទាន នូវព្រះរាជសារលិខិតរំលែកទុក្ខ ចំពោះក្រុមគ្រួសារសព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន។ ខ្លឹមសារព្រះរាជសារលិខិត ពោរពេញដោយសេចក្តីសង្វេគ ស្តាយស្រណោះអាឡោះអាល័យយាស្ទើររកទីបំផុតគ្មាន និងសូមឧទ្ទិសដួងវិញ្ញាណក្ខន្ធអញ្ជើញទៅកាន់សុគតិភព។

សម្ដេចតេជោ បានថ្លែងអំណរព្រះរាជគុណ អំណរព្រះគុណ និងអរគុណយ៉ាងជ្រាលជ្រៅជាអនេកប្បការចំពោះ សម្តេច ព្រះ តេជព្រះគុណ ព្រះសង្ឃគ្រប់ព្រះអង្គ សម្តេច ព្រះអង្គម្ចាស់ អ្នកអង្គម្ចាស់ ទ្រង់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ថ្នាក់ដឹកនាំ និងសមាជិក សមាជិកានៃព្រឹទ្ធសភា រដ្ឋសភា និងរាជរដ្ឋាភិបាល និង មន្ត្រីរាជការមកពីគ្រប់ក្រសួង-ស្ថាប័នសាធារណៈ អាជ្ញាធរគ្រប់លំដាប់ថ្នាក់ វិស័យឯកជន អង្គការ សមាគមសង្គមស៊ីវិល និងបណ្តាអ្នកសារព័ត៌មាន ព្រមទាំង សីលវន្ត សីលវតី ឧបាសក ឧបាសិកា ពុទ្ធបរិស័ទ គ្រិស្តបរិស័ទ ឥស្លាមបរិស័ទ បងប្អូន ញាតិមិត្តជិតឆ្ងាយ ភ្ញៀវជាតិ អន្តរជាតិទាំងអស់ ដែលបានឆ្លៀតឱកាសដ៏មានតម្លៃ និងដ៏មមាញឹក យាង និមន្ត និង អញ្ជើញចូលរួម តាមរយៈសារលិខិតរំលែកទុក្ខក្តី និងកាចូលរួមឧទ្ទិសមគ្គផលកុសល អានិសង្ស គោរពវិញ្ញាណក្ខន្ធ ដោយផ្ទាល់ក្តី និងបានយោគយល់អធ្យាស្រ័យ សហការជួយជ្រោមជ្រែងលើកកម្ពស់កម្មវិធីបុណ្យទក្ខិណានុប្បទាន ប្រព្រឹត្តទៅយ៉ាងរលូន និងអធិកអធម តាមប្រពៃណីជាតិ ព្រះពុទ្ធសាសនា និងបានបួងសួងដល់ដួងវិញ្ញាណក្ខន្ធសព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន អញ្ជើញទៅកាន់សុគតិភព។

ជាថ្មីម្តងទៀត ក្នុងនាម ក្រុមគ្រួសារ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន សម្ដេចតេជោ និងភរិយា សូមថ្វាយ ប្រគេន និងជូននូវសព្ទសាធុការពរ បវរមហាប្រសើរ ចំពោះ សម្តេច ព្រះតេជព្រះគុណ ព្រះសង្ឃ គ្រប់ព្រះអង្គ សម្តេច ព្រះអង្គម្ចាស់ អ្នកអង្គម្ចាស់ ទ្រង់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី សីលវន្ត សីលវតី ឧបាសក ឧបាសិកា ពុទ្ធបរិស័ទ គ្រិស្តបរិស័ទ ឥស្លាមបរិស័ទ បងប្អូនញាតិមិត្តជិតឆ្ងាយ ភ្ញៀវ ជាតិ អន្តរជាតិទាំងអស់ បានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និង បដិភាណ កុំបីឃ្លៀងឃ្លាតឡើយ និងសូមទទួលនូវការគោរពរាប់អានដ៏ជ្រាលជ្រៅពីសម្ដេច និងភរិយា ព្រមទាំងក្រុមគ្រួសារ៕

អត្ថបទដែលទាក់ទង

យន្តហោះ Air Cambodia អបអរសាទរពិធីបុណ្យចូលឆ្នាំខ្មែរ ជាមួយអត្តសញ្ញាណថ្មី និងចក្ខុវិស័យថ្មី
2025/04/04 10:10:08 pm        1
សម្ដេចធិបតីផ្ញើលិខិតទៅប្រធានាធិបតីអាម៉េរិក ដូណាល់ ត្រាំ ពាក់ព័ន្ធនឹងការដំឡើងពន្ធ
2025/04/04 08:36:58 pm        1
កិច្ចប្រជុំពេញអង្គគណៈរដ្ឋមន្ត្រីអនុម័តសេចក្ដីព្រាងចំនួន ២ នៅថ្ងៃនេះ
2025/04/04 07:05:04 pm        1

បណ្ដាញសង្គម

ព័ត៌មានចុងក្រោយ

​យន្តហោះ Air Cambodia អបអរសាទរពិធីបុណ្យចូលឆ្នាំខ្មែរ ជាមួយអត្តសញ្ញាណថ្មី និងចក្ខុវិស័យថ្មី

2025/04/04 10:10:08 pm
​មេបញ្ជាការរុស្ស៊ី៖ ស្ថានការណ៍ នៅ Belgorod ស្ថិតក្រោមការគ្រប់គ្រង ខណៈការប្រយុទ្ធបន្តមាន នៅ Kursk
2025/04/04 08:39:55 pm
​បេក្ខជនប្រធានាធិបតីរ៉ូម៉ានី ត្រៀមខ្លួន នៅមុនការបោះឆ្នោតឡើងវិញ នៅខែឧសភា
2025/04/04 08:39:22 pm
​សម្ដេចធិបតីផ្ញើលិខិតទៅប្រធានាធិបតីអាម៉េរិក ដូណាល់ ត្រាំ ពាក់ព័ន្ធនឹងការដំឡើងពន្ធ
2025/04/04 08:36:58 pm
​រដ្ឋមន្ត្រីការបរទេស៖ ទួរគីមិនចង់ប្រឈមមុខជាមួយអ៊ីស្រាអែលនៅស៊ីរីទេ
2025/04/04 08:28:44 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2025/04/04 05:04:27 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2025/03/26 07:19:36 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2025/04/02 06:49:08 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2025/04/04 07:27:42 pm
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2025/03/27 05:09:06 am

ព័ត៌មានវីដេអូ

​រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

2024/09/02 09:13:57 am
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am