លោក Alexander Bastrykin ប្រធានគណៈកម្មាធិការស៊ើបអង្កេត បាននិយាយនៅក្នុងបទសម្ភាសន៍មួយជាមួយទីភ្នាក់ងារសារព័ត៌មាន TASS ថា ឧក្រិដ្ឋកម្មដ៏ហិង្សាប្រឆាំងនឹងអនីតិជន បានកើនឡើង នៅក្នុងប្រទេសរុស្ស៊ី ក្នុងឆ្នាំ ២០២៤ ដោយមានកុមារជាង ១.០០០នាក់ បានស្លាប់ដោយសារអំពើឧក្រិដ្ឋកម្មដែលកាន់តែអាក្រក់ឡើងៗ។

យោងតាម Bastrykin បានឲ្យដឹងថា ចំនួនកុមារដែលត្រូវបានសម្លាប់នៅក្នុងឧក្រិដ្ឋកម្មដ៏ឃោរឃៅ បានកើនឡើង ១០% កាលពីឆ្នាំមុន។ លោកបាននិយាយថា៖«នៅឆ្នាំ ២០២៤ អ្នកស៊ើបអង្កេតនៃគណៈកម្មាធិការស៊ើបអង្កេត បានស៊ើបអង្កេតឧក្រិដ្ឋកម្មដ៏ហិង្សាលើកុមារជាង ២១ .000 ។ នៅឆ្នាំ ២០២៤ដដែល អនីតិជនចំនួន ១.០៨២នាក់ បានស្លាប់ ដោយសារឧក្រិដ្ឋកម្មទាំងនេះ ពោលគឺ ១០% ច្រើនជាង នៅក្នុងឆ្នាំ ២០២៣។ «នៅក្នុងសំណុំរឿងព្រហ្មទណ្ឌដែលស្ថិតក្រោមការស៊ើបអង្កេតដោយអ្នកស៊ើបអង្កេតនៃគណៈកម្មាធិការស៊ើបអង្កេត អនីតិជនជិត ១៧.000នាក់ ត្រូវបានទទួលស្គាល់ថា ជាជនរងគ្រោះនៃការរំលោភបំពានឧក្រិដ្ឋកម្ម ក្នុងឆ្នាំ ២០២៣ ចំនួនរបស់ពួកគេ គឺ ១៨.00០ករណី។

ក្នុងចំណោមជនរងគ្រោះ មានកុមារអាយុក្រោម ១ឆ្នាំ ចំនួន២៦៦នាក់ កុមារអាយុពី ១ឆ្នាំ ដល់ ៥ឆ្នាំ មាន៨៣១នាក់ កុមារអាយុពី ៦ឆ្នាំ ដល់ ១០ឆ្នាំចំនួន២៦០០នាក់ កុមារអាយុពី ១១ឆ្នាំ ដល់ ១៤ឆ្នាំ មានជាង៦០០០នាក់ និងក្មេងជំទង់ចំនួន ៧.000នាក់។