មេបញ្ជាការរុស្ស៊ី លោក Apti Alaudinov ត្រូវបានដកស្រង់សម្តីដោយទីភ្នាក់ងារសារព័ត៌មានរដ្ឋ RIA ដែលបាននិយាយនៅថ្ងៃសុក្រ (ទី៤ ខែមេសា) នេះថា ស្ថានការណ៍ នៅក្នុងតំបន់ Belgorod របស់រុស្ស៊ី «ស្ថិតនៅក្រោមការគ្រប់គ្រង» បន្ទាប់ពីកងទ័ពអ៊ុយក្រែនបានព្យាយាមឆ្លងព្រំដែន កាលពី ២សប្តាហ៍មុន ។

ដូចកាលកងកម្លាំងអ៊ុយក្រែន កំពុងប្រយុទ្ធដើម្បីបន្តកាន់កាប់ផ្នែកដ៏តូចនៃតំបន់ Kursk របស់រុស្ស៊ី ដែលពួកគេបានដណ្ដើមបានកាលពីឆ្នាំមុន ពួកគេបានព្យាយាមរៀបចំការលុកលុយដែលមានអ្នកដឹងតិចតួចចូលទៅក្នុងតំបន់ជាប់គ្នានោះ គឺ Belgorod។ នេះបើយោងតាមអ្នកសរសេរប្លុកយោធារុស្ស៊ី។

លោក Alaudinov មេបញ្ជាការកងកម្លាំងពិសេស Akhmat របស់តំបន់ Chechnya បានប្រាប់ទូរទស្សន៍រដ្ឋរុស្ស៊ីថា កងកម្លាំងរបស់ទីក្រុងមូស្គូកំពុង «បោសសម្អាតតំបន់» ដែលមានកងទ័ពអ៊ុយក្រែន នៅ Belgorod។

សារព័ត៌មាន RIA បានដកស្រង់សម្តីរបស់លោកដែលបាននិយាយថា៖ «ដោយទូទៅ ស្ថានភាពរបស់យើង គឺល្អប្រសើរ។ សត្រូវបានបន្តបញ្ជូនកងកម្លាំងចូលបន្ថែម បើទោះជាពួកគេទទួលរងនូវការបាត់បង់យ៉ាងធ្ងន់ធ្ងរ និងមិនអាចទទួលបានលទ្ធផលក៏ដោយ»។

យ៉ាងណាក្ដី ពាក់ព័ន្ធនឹងរបាយការណ៍របស់លោក Alaudinov នេះ សារព័ត៌មាន Reuters មិនអាចផ្ទៀងផ្ទាត់បានដោយឯករាជ្យឡើយ៕