ភ្នំពេញ៖ ក្រសួងអប់រំ យុវជន និងកីឡា បានអនុញ្ញាតឱ្យសាលាឯកជនបើកដំណើរការឡើងវិញនូវសកម្មភាព និងសេវាកម្មនានា ដែលគាំទ្រដល់ដំណើរការរបស់គ្រឹះស្ថានអប់រំឯកជននៅទូទាំងប្រទេស។
ក្រសួងអប់រំ យុវជន និងកីឡា បានបញ្ជាក់បែបនេះនៅក្នុងសេចក្ដីជូនដំណឹងមួយចេញនៅថ្ងៃនេះ។ បើតាមសេចក្ដីជូនដំណឹងដដែលនេះ សកម្មភាព និងសេវាកម្មនានាដែលក្រសួងអប់រំអនុញ្ញាតឱ្យបើកដំណើរការឡើងវិញ មានសកម្មភាពកីឡា ដំណើរការលក់ដូរអាហារ បណ្ណាល័យ បន្ទប់ពិសោធន៍ ការប្រគុំតន្ត្រី និងការសម្ដែងសិល្បៈ និងសេវាដឹកជញ្ជូនសិស្ស។
បើទោះបីត្រូវបានអនុញ្ញាតឱ្យដំណើរការឡើងវិញមែន ប៉ុន្តែ ក្រសួងអប់រំក្រើនរំលឹកឱ្យបន្តអនុវត្តតាមវិធានការសុខាភិបាល និងសេចក្ដីណែនាំនានា ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
