ការព្រមានពីអំពើជិះជាន់ និងអំពើពុករលួយ បានផ្ទុះឡើងកាលពីថ្ងៃសៅរ៍ ពេលដែលក្រុមបាតុករនៅទីក្រុង Dallas រដ្ឋ Texas បានចូលរួមបាតុកម្មរ "Hands Off" ដែលត្រូវបានរៀបចំឡើងនៅទូទាំងសហរដ្ឋអាមេរិក ។

បាតុកម្មប្រហែល ១.២០០កន្លែង ត្រូវបានគេរំពឹងថានឹងបង្កើតឲ្យមានបាតុកម្មធំបំផុតក្នុងពេល ១ថ្ងៃ តវ៉ាប្រឆាំងលោកប្រធានាធិបតី Donald Trump និងសម្ព័ន្ធមិត្តមហាសេដ្ឋីរបស់គាត់ គឺលោក Elon Musk ចាប់តាំងពីពួកគេចាប់ផ្តើមកិច្ចខិតខំយ៉ាងឆាប់រហ័សរបស់ពួកគេ ក្នុងការរុះរើរដ្ឋាភិបាល និងពង្រីកអំណាចប្រធានាធិបតី ។

ក្រុមបាតុករនៅតំបន់ Dealey Plaza បានចោទប្រកាន់លោក Trump និងរដ្ឋាភិបាលរបស់លោកថាចង់ធ្វើជាម្ចាស់អាមេរិក និងធ្វើអាមេរិកឡើងវិញ ។

លោក Trumpដែលបានធ្វើឲ្យទីផ្សារហិរញ្ញវត្ថុរង្គោះរង្គើរ និងធ្វើឲ្យប្រទេសនៅជុំវិញពិភពលោកខកចិត្តជាមួយនឹងការដំឡើងពន្ធពាណិជ្ជកម្មក្នុងសប្តាហ៍នេះ បានចំណាយពេលនៅរដ្ឋ Florida ដោយលេងវាយកូនហ្គោលក្នុងក្លិបរបស់លោកនៅ Jupiter មុនពេលវិលត្រឡប់ទៅកាន់រមណីយដ្ឋាន Mar-a-Lago របស់លោកវិញ ។

សូមបញ្ជាក់ថា លោក Trumpបានវិលត្រឡប់មកកាន់អំណាចវិញកាលពីថ្ងៃទី ២០ ខែមករា កន្លងទៅ ជាមួយនឹងបទបញ្ជាប្រតិបត្តិជាច្រើន និងវិធានការជាច្រើនទៀតដែលក្រុមអ្នករិះគន់និយាយថា ស្របតាមរបៀបវារៈដែលបានបញ្ជាក់ក្នុងគម្រោងឆ្នាំ ២០២៥(Project 2025) គឺជាគំនិតផ្តួចផ្តើមនយោបាយអភិរក្សដ៏ជ្រាលជ្រៅមួយ ដើម្បីកែទម្រង់រដ្ឋាភិបាល និងពង្រឹងអំណាចប្រធានាធិបតី ៕