ទីផ្សារអាស៊ីបានដាំក្បាលចុះនៅថ្ងៃចន្ទដើមសប្ដាហ៍នេះ ដោយសារតែសង្គ្រាមពាណិជ្ជកម្មរបស់ប្រធានាធិបតីអាមេរិក Donald Trump ។

សន្ទស្សន៍ភាគហ៊ុន Nikkei របស់ប្រទេសជប៉ុន បានធ្លាក់ចុះជាង ៨% ភ្លាមៗបន្ទាប់ពីការបើកជួញដូរ។ ជាមធ្យមភាគហ៊ុនដែលជួញដូរចំនួន២២៥ នៃក្រុមហ៊ុនដែលមានតម្លៃបំផុតរបស់ប្រទេសនេះ បានធ្លាក់ចុះក្រោមកម្រិត៣៣.០០០ជាលើកដំបូងចាប់តាំងពីខែសីហា ឆ្នាំ២០២៤ នេះបើយោងតាម សារព័ត៌មាន Reuters ។ សន្ទស្សន៍ភាគហ៊ុន Topix កាន់តែធំចុងក្រោយ បានជួញដូរទាបជាង ៩%។

កាលពីថ្ងៃពុធ លោក Trump បានដំឡើងពន្ធ ២៤% លើប្រទេសជប៉ុន ជាសម្ព័ន្ធមិត្តសន្ធិសញ្ញាការពារជាតិ ដែលនឹងត្រូវចូលជាធរមាននៅចុងសប្តាហ៍នេះ។

នាយករដ្ឋមន្ត្រីជប៉ុនលោក Shigeru Ishiba បាននិយាយនៅថ្ងៃចន្ទសប្ដាហ៍នេះថា រដ្ឋាភិបាលនឹងបន្តស្នើឱ្យប្រធានាធិបតី Trump បន្ថយពន្ធលើប្រទេសជប៉ុន នេះបើយោងតាមសារព័ត៌មាន Reuters ។

ទីផ្សារអាស៊ីកំពុងឆ្លងកាត់រយៈពេលពីរថ្ងៃដ៏អាក្រក់បំផុតសម្រាប់ភាគហ៊ុន Wall Street ក្នុងរយៈពេលប្រាំឆ្នាំ។ ភាគហ៊ុនរបស់សហរដ្ឋអាមេរិក បានធ្លាក់ចុះកាលពីល្ងាចថ្ងៃអាទិត្យ បន្ទាប់ពីវគ្គជួញដូរចំនួនពីរដែលបានខាតបង់តម្លៃទីផ្សារជាង៥,៤ សែនកោដិដុល្លារ។

ផ្សារភាគហ៊ុន Kospi របស់កូរ៉េខាងត្បូង បានធ្លាក់ចុះជាង ៤,៨% ភ្លាមៗបន្ទាប់ពីការបើកជួញដូរ។

នៅប្រទេសអូស្ត្រាលី សន្ទស្សន៍ភាគហ៊ុន ASX 200 បានធ្លាក់ចុះយ៉ាងខ្លាំង ៦,៣% នៅក្នុងការជួញដូរពេលព្រឹក ខណៈភាគហ៊ុន NZX 50 របស់នូវែលសេឡង់ បានខាតបង់ជាង ៣,៥%៕