ប្រធានាធិបតីសាធារណៈរដ្ឋដូមីនីក លោក Luis Abinader បានប្រកាសកាលពីថ្ងៃអាទិត្យនូវចំណាត់ការពង្រឹងសន្តិសុខនៅតាមព្រំដែន និងការគ្រប់គ្រងការធ្វើអន្តោប្រវេសន៍ទៅកាន់ប្រទេសហៃទីដែលនៅជិតខាង។

លោកប្រធានាធិបតី Abinader បាននិយាយនៅក្នុងសន្និសីទសារព័ត៌មានថា វិធានការថ្មីៗចំនួន១៥ នឹងរួមមានការពន្លឿនការសាងសង់ជញ្ជាំងព្រំដែនបែងចែកប្រទេសទាំងពីរ និងដាក់បន្ថែមទាហាន ១.៥០០ នាក់ទៀត សម្រាប់ការឃ្លាំមើលនៅព្រំដែន។

រដ្ឋាភិបាលសាធារណៈរដ្ឋដូមីនីក ក៏នឹងបន្តធ្វើកំណែទម្រង់ផ្លូវច្បាប់ ដើម្បីរឹតបន្តឹងការដាក់ទណ្ឌកម្មសម្រាប់អ្នកទាំងឡាយណាដែលសម្រួលដល់ការចូល និងការស្នាក់នៅរបស់ជនអន្តោរប្រវេសន៍។

ព្រំដែនសាធារណរដ្ឋដូមីនីក-ហៃទី គឺជាព្រំដែនអន្តរជាតិរវាងសាធារណរដ្ឋដូមីនីក និងសាធារណរដ្ឋហៃទី នៅលើកោះ Hispaniola ។ ការពង្រីកពីសមុទ្រការ៉ាអ៊ីបនៅភាគខាងត្បូងទៅមហាសមុទ្រអាត្លង់ទិកនៅភាគខាងជើងព្រំដែន មានប្រវែង៣៩១គីឡូម៉ែត្រ ដែលត្រូវបានព្រមព្រៀងគ្នានៅក្នុងសន្ធិសញ្ញាព្រំដែនដូមីនីក - ហៃទី ឆ្នាំ១៩២៩។