យោងតាមប្រធានក្រុមធុរកិច្ចប្រទេសម៉ាឡេស៊ី បាននិយាយឲ្យដឹងថា សមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) ចាំបាច់ត្រូវទាញអំណាចសេដ្ឋកិច្ចរួមរបស់ខ្លួនដើម្បីឆ្លើយតបដោយប្រសិទ្ធភាព ចំពោះការរំខានផ្នែកពាណិជ្ជកម្មដែលផ្តួចផ្តើមគំនិតដោយសហរដ្ឋអាមេរិក បន្ទាប់ពីការដំឡើងពន្ធមួយចំនួនលើប្រទេសមានសេដ្ឋកិច្ចភាគច្រើននៅទូទាំងពិភពលោក។

ប្រធានសមាគមសហគ្រាសធុនតូចនិងមធ្យមរបស់ម៉ាឡេស៊ី បាននិយាយថា ការដំឡើងពន្ធទាំងនេះ ទំនងជាធ្វើឲ្យប៉ះពាល់ខ្លាំងដល់ការនាំចេញរបស់ប្រទេសម៉ាឡេស៊ី ជាពិសេសផ្នែកអគ្គិសនី និងគ្រឿងអេឡិចត្រូនិក ប្រេងដូង ផលិតផលផ្អែកលើកៅស៊ូ និងផលប៉ះពាល់លើវាយនភ័ណ្ឌនិងកាត់ដេរ ព្រោះថាទាំងនេះគឺជាផ្នែករួមចំណែកដ៏សំខាន់ចំពោះពាណិជ្ជកម្មរបស់ប្រទេសម៉ាឡេស៊ី ជាមួយសហរដ្ឋអាមេរិក ។

លោកបាននិយាយថា ការដំឡើងពន្ធកាន់តែខ្ពស់នឹងនាំឱ្យមានការកើនឡើងតម្លៃក្នុងការចំណាយទាំងអ្នកនាំចូលនិងអ្នកនាំចេញ កាត់បន្ថយការប្រកួតប្រជែងរបស់យើងមិនត្រឹមតែនៅក្នុងទីផ្សារសហរដ្ឋអាមេរិកប៉ុណ្ណោះទេ ប៉ុន្តែថែមទាំងនៅក្នុងទីផ្សារផ្សេងៗទៀតផងដែរ និងអាចប៉ះពាល់ដល់ការងារ និងការវិនិយោគក្នុងចំណោមសហគ្រាសធុនតូច និងមធ្យម។

ដោយហៅការដំឡើងពន្ធនេះថាជា «ការអំពាវនាវក្រើនរំលឹក» សម្រាប់រដ្ឋសមាជិកអាស៊ាន ប្រធានធុរកិច្ចរូបនេះ បាននិយាយថា ប្រទេសម៉ាឡេស៊ីក្នុងនាមជាប្រធានអាស៊ានបច្ចុប្បន្ន នឹងជំរុញឱ្យចាប់ផ្តើមកិច្ចចរចាឡើងវិញលើការបង្កើតទីផ្សារអាស៊ានតែមួយ អនុញ្ញាតឱ្យមានទម្រង់នៃសហជីពគយ និងកាត់បន្ថយរបាំងពុំមែនការដំឡើងពន្ធបន្ថែមទៀត។ លោកនិយាយថា «ការរួបរួមក្នុងតំបន់នេះ មានសារៈសំខាន់ខ្លាំង សរុបមកអាស៊ានកំពុងស្ថិតនៅលើផ្លូវដើម្បីក្លាយជាប្រទេសមានសេដ្ឋកិច្ចធំបំផុតទីបួននៅលើពិភពលោកនៅឆ្នាំ២០៣០។