ប្រជាជនម៉ារ៉ុករាប់ម៉ឺននាក់កាលពីថ្ងៃអាទិត្យ បានតវ៉ាប្រឆាំងនឹងការវាយលុកចុងក្រោយបង្អស់របស់អ៊ីស្រាអែល នៅតំបន់ហ្កាហ្សា ដោយធ្វើឲ្យមានការខឹងសម្បាចំពោះប្រធានាធិបតីសហរដ្ឋអាមេរិក លោក ដូណាល់ ត្រាំ នៅជិតចំណុចកណ្តាលនៃភាពទុក្ខសោករបស់ពួកគេ។

នៅក្នុងការតវ៉ាដ៏ធំបំផុតដែលម៉ារ៉ុកបានឃើញក្នុងរយៈពេលជាច្រើនខែ ក្រុមបាតុករ បានផ្តោលទោសអ៊ីស្រាអែល សហរដ្ឋអាមេរិក និងរដ្ឋាភិបាលរបស់ពួកគេផ្ទាល់។ អ្នកខ្លះ បានដើរជាន់លើទង់ជាតិអ៊ីស្រាអែល កាន់បដាបង្ហាញមេដឹកនាំក្រុមហាម៉ាស ដែលត្រូវបានគេសម្លាប់ និងគ្រវីផ្ទាំងរូបភាពដាក់លោក ត្រាំ រួមនឹងជនប៉ាឡេស្ទីនដែលភៀសខ្លួនចេញពីផ្ទះសម្បែង។

ក្រុមអ្នករៀបចំ បានថ្កោលទោសប្រតិបត្តិការយោធាដែលកំពុងបន្តរបស់អ៊ីស្រាអែល នៅតំបន់ហ្កាហ្សា។ ប្រជាជនប៉ាឡេស្ទីនរាប់រយនាក់ ត្រូវបានសម្លាប់ ចាប់តាំងពីអ៊ីស្រាអែលបានធ្វើការវាយប្រហារតាមផ្លូវអាកាស និងថ្មើរជើង កាលពីខែមុន ក្នុងគោលបំណងជំរុញក្រុមហាម៉ាសឲ្យដោះលែងចំណាប់ថ្នូរ ដែលនៅសេសសល់។

ការតវ៉ាបែបនេះ បានផ្ទុះឡើងនៅទូទាំងមជ្ឈិមបូព៌ា និងអាហ្រ្វិកខាងជើង ដែលជាធម្មតាមេដឹកនាំព្រួយបារម្ភអំពីបាតុកម្មដែលបំផ្លាញស្ថិរភាពក្នុងស្រុក។ ការប្រមូលផ្តុំគ្នាគាំទ្រប៉ាឡេស្ទីន ក៏ត្រូវបានធ្វើឡើង កាលពីចុងសប្តាហ៍មុននេះ នៅក្នុងរដ្ឋធានីនៃប្រទេសទុយនីស៊ី និងយេម៉ែន ក៏ដូចជានៅទីក្រុង Casablanca ដែលមានប្រជាជនច្រើនបំផុតរបស់ប្រទេសម៉ារ៉ុកផងដែរ។