ប្រធានាធិបតីអ៊ុយក្រែនលោក Volodymyr Zelenskiy បាននិយាយកាលពីថ្ងៃអាទិត្យថា ការវាយប្រហារនៅបន្តបង្ហាញថា រុស្ស៊ីគ្មានបំណងចង់បញ្ចប់សង្រ្គាមរយៈពេល ៣ឆ្នាំនោះទេ ។

លោក Zelenskiy និយាយនៅក្នុងសុន្ទរកថាប្រចាំថ្ងៃរបស់លោកថា មីស៊ីលបាញ់ចេញពីសមុទ្រខ្មៅ ស្ថិតក្នុងចំណោមមីស៊ីលដែលត្រូវបានប្រើប្រាស់នៅការវាយប្រហារថ្ងៃនេះ នេះគឺជាហេតុផលមួយដែលរុស្ស៊ីចៀសវាងការទូត ហេតុផលដែលរុស្ស៊ីមិនយល់ព្រមលើបទឈប់បាញ់គ្មានលក្ខខណ្ឌ ។ ពួកគេចង់ឲ្យពួកគេនៅមានជម្រើសវាយប្រហារលើទីក្រុងរបស់ពួកយើង និងកំពង់ផែរបស់ពួកគេ ។

លោកបន្តថា ទីក្រុងគីវ កំពុងរង់ចាំប្រតិកម្មរបស់សហរដ្ឋអាមេរិកចំពោះការបដិសេធន៍របស់ប្រធានាធិបតីរុស្ស៊ីលោក Vladimir Putin ពុំព្រមទទួលយកបទឈប់បាញ់ពេញលេញ គ្មានលក្ខខណ្ឌដែលអ៊ុយក្រែនធ្លាប់បានយល់ព្រមកាលពីមុន ។ មកទល់នឹងពេលនេះ គ្មានអ្វីទាល់តែសោះ ។

លោក Zelenskiy បានអំពាវនាវឲ្យបង្កើនការផលិតប្រព័ន្ធការពារដែនអាកាស និងមីស៊ីល ហើយការផលិតបែបនេះ គួរតែធ្វើឡើងនៅក្នុងប្រទេសអ៊ុយក្រែន ។

លោកបញ្ជាក់ថា ពួកយើងនៅអ៊ុយក្រែនអាចធានាបានការផលិតបែបនេះ ហើយត្រូវការការសម្រេចចិត្តនយោបាយដ៏ត្រឹមត្រូវមួយ ។

សំឡេងផ្ទុះដ៏ខ្លាំង ត្រូវបានគេឮនៅពេលយប់ក្នុងរដ្ឋធានីគីវ អគ្គិភ័យបានឆាបឆេះឡើងនៅតាមសង្កាត់យ៉ាងហោច ៣កន្លែងនៅក្នុងទីក្រុងរបស់អ៊ុយក្រែនមួយនេះ ៕