កងកម្លាំងទ័ពអាកាសដែលជាសម្ព័ន្ធមិត្តនិងដៃគូមកពី១៤ប្រទេស បានចូលរួមក្នុងការហាត់សមប្រតិបត្តិការហោះហើរប្រយុទ្ធពហុជាតិសាសន៍រៀបចំឡើងដោយកងកម្លាំងទ័ពអាកាស Hellenic (HAF) នៅមូលដ្ឋានទ័ពអាកាស Andravida ភាគខាងលិចប្រទេសក្រិក។

ការហាត់សម ដែលដំណើរការរហូតដល់ថ្ងៃទី១១ ខែមេសា មានគោលបំណងលើកកម្ពស់អន្តរប្រតិបត្តិការ និងជំរុញការត្រៀមខ្លួនក្នុងប្រតិបត្តិការ។

នាយសេនាធិការនៃកងកម្លាំងទ័ពអាកាស Hellenic បានពន្យល់ថា ការហាត់សមនេះ នឹងរួមបញ្ចូលនៅក្នុងមេរៀនស្ថានភាពប្រយុទ្ធទំនើបដែលទទួលបានបទពិសោធពីជម្លោះថ្មីៗនៅជុំវិញពិភពលោក ដោយបង្កើតសេណារីយ៉ូនានា ដើម្បីសាកល្បងអន្តរប្រតិបត្តិការ និងប្រតិបត្តិការរួមគ្នា។

ការហាត់សមនៅឆ្នាំនេះ រួមមានកងកម្លាំងទ័ពអាកាសមកពីប្រទេសបារាំង អ៊ីតាលី ម៉ុងតេណេហ្គ្រោ ប៉ូឡូញ ស្លូវេនី អេស្បាញ សហរដ្ឋអាមេរិក អ៊ីស្រាអែល និងប្រទេសកាតា ដោយមានការចូលរួមពីយន្តហោះចម្បាំងទំនើបៗ។

មន្ត្រីនៃកងកម្លាំងទ័ពអាកាស និងលំហអាកាសបារាំង បាននិយាយថា វាជាឱកាសដ៏ល្អ ដើម្បីធ្វើការនៅក្នុងតំបន់ដែលមានដង់ស៊ីតេខ្ពស់ ដែលមានប្រទេសជាច្រើនមកចូលរួម ។