លោក Abdulilah Mohamed ដែលជាម្ចាស់ស្រុកមួយរូបនៅសង្កាត់ Sharg Elnil ស្ថិតក្នុងរដ្ឋធានី Khartoum របស់ប្រទេសស៊ូដង់ បានវិលត្រឡប់មកកាន់ផ្ទះគ្រួសាររបស់លោកវិញ ក្រោយជម្លៀសខ្លួនចេញពីសង្រ្គាមស៊ីវិល ។

ផ្លូវដែលបច្ចុប្បន្នរាយប៉ាយដោយកម្ទេចកម្ទី និងកាកសំណល់ពីជម្លោះ បាននាំរូបលោកទៅកាន់សំណង់អគារមួយខ្នងដែលស្ទើតែដួលរលំទៅហើយ ក្រោយការប្រយុទ្ធគ្នាអស់រយៈពេល ២ឆ្នាំ រវាងកងទ័ពស៊ូដង់ និងកងកម្លាំងគាំទ្ររហ័ស(RSF) ។

ឈរនៅជិតជញ្ជាំងបែកបាក់ផ្ទះរបស់លោក និងបំណែកទ្រព្យសម្បត្តិគ្រួសាររបស់លោក លោក Mohamed និយាយចង់សំដៅលើកងកម្លាំង RSFថា ពួកគេបំផ្លិចបំផ្លាញអ្វីៗគ្រប់បែបយ៉ាងទាំងអស់ ហើយពួកគេប្រមូលយកអស់ទ្រព្យសម្បត្តិដែលមានតម្លៃ ។

លោកបន្តថា លោកមកទីនោះ ដើម្បីវាយតម្លៃស្ថានភាព ដើម្បីកុំទាន់អាលឲ្យគ្រួសាររបស់លោកមក ។ លោកមកមុន ហើយលោកត្រូវវាយតម្លៃស្ថានភាពសម្រាប់គ្រួសាររបស់លោក ។

លោក Mohamed ស្ថិតក្នុងចំណោមពលរដ្ឋ ១លាននាក់ដែលធ្លាប់រស់នៅក្នុងរដ្ឋធានីអស្ចារ្យជាច្រើន រួមទាំងទីក្រុង Khartoum, Omdurman និងទីក្រុង Bahri ហើយលោកត្រូវបង្ខំចិត្តជម្លៀសខ្លួន ពេលដែលសង្រ្គាមផ្ទុះឡើងកាលពីថ្ងៃទី ២៥ ខែមេសា ឆ្នាំ ២០២៣ ស្របពេលមានការដណ្តើមអំណាចរវាងកងទ័ពស៊ូដង់ និងកងកម្លាំង RSF មុនការផ្លាស់ប្តូរទៅរកការគ្រប់គ្រងស៊ីវិល ។

សង្កាត់ទាំងមូលជាច្រើននៅក្នុងទីក្រុង Khartoum បានរាបដល់ដី បើទោះបីជាសង្កាត់ខ្លះនៅក្នុងទីក្រុង Omdurman នៅមានរបស់របរប្រើប្រាស់ក៏ដោយ ។

ស្របពេលដែលកងទ័ពស៊ូដង់ រុញច្រានក្រុមយុទ្ធជន RSF និងដណ្តើមបានមូលដ្ឋានឈរជើងរបស់ពួកគេនៅក្នុងទីក្រុង Khartoum ក្រុមប្រជាពលរដ្ឋ បានចាប់ផ្តើមធ្វើដំណើរវិលត្រឡប់ទៅកាន់ផ្ទះសម្បែងរបស់ពួកគេវិញ ៕