ក្មេងស្រីប៉ាឡេស្ទីន Ghada Dabebech អាយុ ៦ឆ្នាំ និយាយថា នាងកំពុងលេងនៅក្នុងសាលារៀនធ្វើជាជម្រកនៅទីក្រុងហ្កាហ្សា ពេលដែលអ៊ីស្រាអែលវាយប្រហារកាលពីសប្តាហ៍មុន ។

ក្រុមអាជ្ញាធរសុខភាពហ្កាហ្សា និយាយថា មនុស្សយ៉ាងហោច ២៧នាក់ ត្រូវបានសម្លាប់ រួមទាំងស្រ្តី និងកុមារផងដែរ ។

ក្មេងស្រី Ghada និយាយថា នាងកំពុងលេងនៅក្នុងសាលារៀន នាងកំពុងលេងទោង នាងត្រូវបានគេទម្លាក់គ្រាប់បែកលើ ដៃរបស់នាងបានរងរបួស ដៃរបស់នាងត្រូវបានកាត់ ។

គ្រួសារជម្លៀសខ្លួន បានជ្រកកោននៅសាលារៀន Dar Al-Arqam ស្ថិតក្នុងសង្កាត់ Tuffah នៃទីក្រុងហ្កាហ្សា ។

លោក Ghaidaa Arafat គឺជាគ្រូពេទ្យបឋមប៉ាឡេស្ទីន និយាយថា ដៃរបស់ក្មេងស្រី Ghada អាចនឹងត្រូវបានសង្រ្គោះ បើសិនជាមន្ទីរពេទ្យពុំរងការវាយប្រហារខ្លាំងក្លាដោយសារសង្រ្គាមទេនោះ ។

លោកថា ក្រុមគ្រូពេទ្យបានប្រឹងប្រែងអស់ពីលទ្ធភាព ទាំងចំណេះដឹងវិទ្យាសាស្រ្ត និងចំណេះដឹងវេជ្ជសាស្រ្ត ដើម្បីសង្រ្គោះដៃរបស់នាង ប៉ុន្តែដោយសារខ្វះខាតការផ្គត់ផ្គង់វេជ្ជសាស្រ្ត បុគ្គលិក និងសម្ភារៈវេជ្ជសាស្រ្តដែលអាចជួយសង្រ្គោះដៃរបស់ក្មេងស្រីម្នាក់នេះ វានាំឲ្យបាត់បង់ដៃរបស់នាង ដោយសារស្ថានភាពសុខភាព ។

ចំណែកឯលោក Ahmed Dabebech គឺជាឪពុករបស់ក្មេងស្រី Ghada និយាយថា លោកចង់ឲ្យព្រំដែនបើកច្រកឡើងវិញ ដើម្បីឲ្យកូនស្រីរបស់លោកទទួលបានការព្យាបាល និងទទួលបានដៃសិប្បនិម្មិតនៅបរទេស ៕