នាយករដ្ឋមន្ត្រីអង់គ្លេស លោក Keir Starmer បាននិយាយថា ពន្ធគយដែលប្រកាសដោយប្រធានាធិបតីអាមេរិក លោក ដូណាល់ ត្រាំ ( Donald Trump) បង្កបញ្ហាប្រឈមយ៉ាងធ្ងន់ធ្ងរមិនត្រឹមតែសម្រាប់សេដ្ឋកិច្ចរបស់ចក្រភពអង់គ្លេសប៉ុណ្ណោះទេ ប៉ុន្តែថែមទាំងសម្រាប់សេដ្ឋកិច្ចពិភពលោកទាំងមូល។ 

ដោយថ្លែងនៅឯរោងចក្រផលិតរថយន្តJaguar Land Rover (JLR) នៅក្នុងសុន្ទរកថាដែលផ្សាយដោយ សារព័ត៌មាន Sky News លោកនាយករដ្ឋមន្ត្រី បាននិយាយថា៖ ពន្ធ ២៥% លើការនាំចេញរថយន្ត និង ១០% លើទំនិញផ្សេងទៀត នោះគឺជាបញ្ហាប្រឈមដ៏ធំមួយសម្រាប់អនាគតរបស់យើង ហើយហើយផលវិបាកសេដ្ឋកិច្ចសកល អាចកាន់តែខ្លាំងឡើង។

លោក Starmer បានបន្ថែមថា ពិភពលោក កំពុងផ្លាស់ប្តូរ ហើយច្បាប់នៃពាណិជ្ជកម្ម ដែលត្រូវបានគេយល់ថា ជាធម្មតានោះ នាពេលថ្មីៗនេះ គឺមិនសមស្របទៀតទេ។

កាលពីថ្ងៃទី ០២ ខែមេសា លោក ត្រាំ បានប្រកាសពីការដាក់បញ្ចូលពន្ធគយលើផលិតផលពី ១៨៥ ប្រទេស និងដែនដី។ ប្រទេសរុស្ស៊ី មិនស្ថិតនៅក្នុងបញ្ជីនេះទេ។ ពន្ធសកល ១០% ចូលជាធរមាននៅថ្ងៃទី ០៥ ខែមេសា ខណៈដែលបុគ្គលនីមួយៗ នឹងចូលជាធរមាន នៅថ្ងៃទី ០៩ ខែមេសា។ លើសពីនេះ រដ្ឋបាលអាមេរិក បានប្រកាសពន្ធគយចំនួន ២៥% លើរថយន្តនាំចូលទាំងអស់ ចាប់ពីថ្ងៃទី ០៣ ខែមេសា។ រដ្ឋមន្ត្រីធុរកិច្ចនិងពាណិជ្ជកម្មរបស់ចក្រភពអង់គ្លេសលោក Jonathan Reynolds បាននិយាយថា ទីក្រុងឡុងដ៍កំពុងពិចារណាជម្រើសផ្សេងៗ ដើម្បីឆ្លើយតបទៅនឹងការសម្រេចរបស់សហរដ្ឋអាមេរិក។