ដោយស្របតាមសំណើរបស់គណៈកម្មការអឺរ៉ុប រដ្ឋមន្ត្រីការបរទេសហ្វាំងឡង់ លោកស្រី Elina Valtonen នៅថ្ងៃអង្គារ (ទី៨ ខែមេសា) នេះ បាននិយាយថា អឺរ៉ុប និងសហរដ្ឋអាមេរិក គួរតែមិនមានការយកពន្ធនាំចូលជាមួយគ្នា ហើយអឺរ៉ុបគួរតែធ្វើការឆ្ពោះទៅរកគោលដៅនោះ នៅក្នុងការចរចាដែលកំពុងបន្តមានជាមួយសហរដ្ឋអាមេរិក។

អំឡុងពេលនិយាយ នៅឯសន្និសីទសារព័ត៌មានរួមជាមួយសមភាគីស៊ុយអែត នៅទីក្រុង Stockholm លោកស្រី Valtonen បានប្រាប់ថា៖ «ការចូលទៅពាក់ព័ន្ធនៅក្នុងសង្រ្គាមពាណិជ្ជកម្មសកល គឺជាវិធីដ៏ប្រចក្សបំផុតមួយ ដែលនាំឲ្យមានឱនភាពសេដ្ឋកិច្ចសកល»។ លោកស្រីបានបន្ថែមថា៖ «ប៉ុន្តែជាការពិតណាស់ សហភាពអឺរ៉ុប (EU) ឥឡូវនេះ ត្រូវតែតប ចំពោះអ្វីដែលអាមេរិកបានបង្កើតឡើង»។

គួរបញ្ជាក់ថា ទីប្រឹក្សាពាណិជ្ជកម្មសេតវិមាន លោក Peter Navarro បាននិយាយកាលពីថ្ងៃចន្ទថា EU នឹងត្រូវកាត់បន្ថយរបាំងមិនមែនពន្ធរបស់ខ្លួន ក្នុងនោះរួមទាំងអ្វីដែលបង្កើតឡើងដោយពន្ធលើតម្លៃបន្ថែមផងដែរ ប្រសិនបើប្លុកចង់ឈានដល់កិច្ចព្រមព្រៀងបន្ទាបពន្ធនាំចូលរបស់អាមេរិកដែលដាក់ដោយប្រធានាធិបតី លោក Donald Trump៕