​អាមេរិក៖ កាលពី​ថ្ងៃ​ព្រហស្បតិ៍ប្រធានាធិបតី​អាមេរិកលោក Joe Biden បាន​ដាក់​ចេញ​នូវ​យុទ្ធសាស្ត្រ​របស់​លោកក្នុង​ការ​ប្រយុទ្ធ​ប្រឆាំង​នឹង​វីរុស​កូ​រ៉ូ​ណា​ប​ម្លែ​ង​ខ្លួន​ថ្មី Omicron ដែល​កំពុង​ឆ្លង​យ៉ាង​ឆាប់រហ័ស​នៅ​ទូទាំង​ពិភពលោក ស្រប​ពេល​ដែល​រដូវរងា​ចូល​មក​ដល់ និង​ប៉ុន្មាន​ម៉ោង​បន្ទាប់ពី​មាន​សេចក្ដី​រាយការណ៍​ពី​ករណី​ឆ្លង​ដំបូង ក្នុង​សហគមន៍​របស់​សហរដ្ឋ​អាមេរិក​នៃ​វីរុស​ប​ម្លែ​ង​ខ្លួន​ថ្មី​នេះ​។

​ខណៈ​ដែល​ក្រុម​អាជ្ញាធរ​នៅ​ទូទាំង​ប្រទេស​ប្រញាប់​ប្រញាប់​ទប់ស្កាត់​វីរុស​ប​ម្លែ​ង​ខ្លួន​ថ្មី​នេះ លោក Biden បាន​ព្រមាន​ថា គេ​មិន​អាច​ប៉ាន់ប្រមាណ​ដឹង​ទេ​ថា នឹង​មាន​ការ​ឆ្លង​កើន​ឡើង​ខ្ពស់​ប៉ុណ្ណា​​នៅ​រដូវរងា​នេះ​។​ រដ្ឋ New York បាន​រក​ឃើញ​ករណី​ឆ្លង​វីរុស​ប​ម្លែ​ង​ខ្លួន​ថ្មី Omicron ចំនួន​ ៥​នាក់​។ កាលពី​ថ្ងៃ​ព្រហស្បតិ៍ រដ្ឋ Hawaii បាន​ក្លាយ​ជា​រដ្ឋ​ទី​៥​ របស់​អាមេរិក​ដែល​បញ្ជាក់​ពី​ការ​រក​ឃើញ​ករណី​ឆ្លង​វីរុស​នេះ​ នៅ​ក្នុង​រដ្ឋ California, រដ្ឋ Colorado និង​រដ្ឋ Minnesota ហើយ​មាន​ករណី​ឆ្លង​ចំនួន​ ៣ កើត​លើ​អ្នក​ចាក់​វ៉ាក់សាំង​ពេញលេញ និង​មានការ​វិវត្តន៍​រោគសញ្ញា​ស្រាល៕

​អត្ថបទ៖ សុខមាន