នៅថ្ងៃពុធនេះ ប្រជាពលរដ្ឋអ៊ីតាលី បានចែករំលែកក្តីបារម្ភរបស់ពួកគេ ក្រោយសហរដ្ឋអាមេរិកដំឡើងពន្ធលើការនាំចូលទាំងអស់ ដែលអាចធ្វើឲ្យតម្លៃទូរស័ព្ទ iPhone ហក់ឡើងខ្ពស់ផងដែរ ។

ប្រទេសនៅជុំវិញពិភពលោក គំរាមធ្វើសង្រ្គាមពាណិជ្ជកម្មជាមួយសហរដ្ឋអាមេរិក ពេលដែលការដំឡើងពន្ធរបស់លោកប្រធានាធិបតី Donald Trump ធ្វើឲ្យមានការព្រួយបារម្ភដល់ការកើនឡើងតម្លៃនៅក្នុងទីផ្សារអ្នកប្រើប្រាស់ធំបំផុតរបស់ពិភពលោក និងការធ្លាក់ចុះសេដ្ឋកិច្ចពិភពលោក ។

ទូរស័ព្ទថ្លៃ iPhone អាចនឹងមានតម្លៃជិត ២.៣០០ដុល្លារ បើសិនជាក្រុមហ៊ុន Apple អនុម័តតម្លៃលើអ្នកប្រើប្រាស់ដោយផ្អែកលើការបញ្ចាំងស្លាយពីក្រុមហ៊ុន Rosenblatt Securities ។

នាយករដ្ឋមន្រ្តីអ៊ីតាលីលោកស្រី Giorgia Meloni នឹងជួបប្រធានាធិបតីសហរដ្ឋអាមេរិកលោក Donald Trump នៅទីក្រុងវ៉ាស៊ីនតោននាថ្ងៃទី ១៧ ខែមេសាខាងមុខនេះ ដើម្បីពិភាក្សាការដំឡើងពន្ធ ដែលលោកបានដាក់លើការនាំចូលរបស់សហភាពអឺរ៉ុប ។ នេះបើយោងតាមការអះអាងរបស់ការិយាល័យលោកស្រីបានឲ្យដឹងកាលពីថ្ងៃអង្គារ ។

ចាប់ពីថ្ងៃពុធនេះតទៅ ប្លុកប្រទេសមាន ២៧រដ្ឋមួយនេះ ប្រឈមការដំឡើងពន្ធនាំចូល ២៥ភាគរយលើដែក អាលុយមីញ៉ូម និងរថយន្ត ហើយនិងពន្ធ ២០ភាគរយលើទំនិញផ្សេងទៀតទាំងអស់ក្រោមគោលនយោបាយរបស់លោក Trump ៕