មន្ត្រីការពារជាតិអាមេរិកម្នាក់ បាននិយាយកាលពីថ្ងៃពុធថា សហរដ្ឋអាមេរិក បានវាយប្រហារលើគោលដៅជាង ១០០កន្លែង នៅក្នុងតំបន់ដែលគ្រប់គ្រងដោយក្រុមហ៊ូទី នៅប្រទេសយេម៉ែន ចាប់តាំងពីការចាប់    ផ្តើមដំណាក់កាលចុងក្រោយនៃយុទ្ធនាការផ្លូវអាកាសរបស់ខ្លួន ប្រឆាំងនឹងកងជីវពល ដែលគាំទ្រដោយអ៊ីរ៉ង់ កាលពីខែមុន។

កងកម្លាំងអាមេរិក បានវាយលុកលើក្រុមហ៊ួទី ជាមួយនឹងការវាយប្រហារតាមអាកាសស្ទើរតែរៀងរាល់ថ្ងៃចាប់តាំងពីថ្ងៃទី ១៥ ខែមីនា ក្នុងគោលបំណង ដើម្បីបញ្ចប់ការគំរាមកំហែង ដែលពួកគេបង្កឡើងចំពោះការដឹកជញ្ជូនស៊ីវិល និងនាវាយោធា នៅក្នុងសមុទ្រក្រហម និងឈូងសមុទ្រ Aden ។

មន្ត្រីការពារជាតិ បាននិយាយនៅក្នុងការឆ្លើយតបទៅនឹងសំណួរស្តីពីចំនួនការវាយប្រហាររបស់អាមេរិកចាប់តាំងពីពាក់កណ្តាលខែមីនាថា៖«សហរដ្ឋអាមេរិកបានវាយប្រហារលើគោលដៅជាង ១០០កន្លែង នៅក្នុងផ្នែកដែលគ្រប់គ្រងដោយក្រុមហ៊ួទីនៃប្រទេសយេម៉ែន" ។

មន្ត្រីដែលបាននិយាយក្នុងលក្ខខណ្ឌមិនបញ្ចេញឈ្មោះ បានបញ្ជាក់ថា៖ «យើងបានបំផ្លាញទីបញ្ជា និងត្រួតពិនិត្យ កន្លែងផលិតអាវុធ និងទីតាំងស្តុកទុកអាវុធទំនើបៗ»។

ទោះបីជាមានការវាយប្រហារក៏ដោយ ក៏ក្រុមហ៊ួទី ដែលគ្រប់គ្រងតំបន់ដ៏ធំនៃប្រទេសយេម៉ែន និងបានធ្វើសង្រ្គាមជាមួយរដ្ឋាភិបាលដែលមានការទទួលស្គាល់ជាអន្តរជាតិ តាំងពីឆ្នាំ ២០១៥មកនោះ បានបន្តការវាយប្រហារប្រឆាំងនឹងនាវាអាមេរិក និងអ៊ីស្រាអែល។