ប្រជាជនទុយនីស៊ី រាប់រយនាក់ បានប្រមូលផ្តុំគ្នាធ្វើបាតុកម្ម ប្រឆាំងទៅនឹងអ្វីដែលពួកគេនិយាយថា ជាការគ្រប់គ្រងផ្តាច់ការរបស់ប្រធានាធិបតី លោក Kais Saied និងបានទាមទារឱ្យដោះលែងអ្នកទោសនយោបាយ ខណៈអ្នកនយោបាយប្រឆាំងចំនួន៦នាក់ធ្វើកូដកម្មអត់អាហារ។ ការប្រមូលផ្តុំនេះ បានបង្ហាញពីការព្រួយបារម្ភកាន់តែខ្លាំងឡើងរបស់គណបក្សប្រឆាំង អំពីអ្វីដែលខ្លួនមើលឃើញថាជាការគាបសង្កត់លើក្រុមអ្នកប្រឆាំងពីសំណាក់ លោក Saied និងការខិតខំប្រឹងប្រែងដើម្បីបង្កើតការគ្រប់គ្រងដោយមនុស្សតែម្នាក់ ជាការចោទប្រកាន់ដែលលោកបានច្រានចោល។

លោក Saied បានច្បាមយកអំណាចបន្ថែមនៅឆ្នាំ២០២១ នៅពេលនោះ លោកបានបិទសភាជាប់ឆ្នោត ហើយបានងាកទៅគ្រប់គ្រងដោយក្រឹត្យ មុនពេលក្តោបក្តាប់អំណាចលើប្រព័ន្ធតុលាការ។ គណបក្សប្រឆាំងបានចាត់ទុកចំណាត់ការរបស់លោកថាជារដ្ឋប្រហារ។ អ្នកគាំទ្រគណបក្សធម្មនុញ្ញសេរី ជាគណបក្សប្រឆាំងបានប្រមូលផ្តុំគ្នានៅរដ្ឋធានី Tunis ដើម្បីទាមទារឱ្យដោះលែងមេដឹកនាំ លោក Abir Moussi ដែលត្រូវបានឃុំខ្លួន។ ពួកគេបានស្រែកពាក្យដូចជា លោក Saied ជនផ្តាច់ការ វេនរបស់អ្នកបានមកដល់ហើយ និងស្រែកពាក្យថា ដោះលែងលោក Abir។