ប្រភពដែលដឹងច្បាស់ពីបញ្ហាបាននិយាយថា មន្ត្រីសហរដ្ឋអាមេរិក និងអ៊ុយក្រែន បានជួបប្រជុំគ្នាកាលពីថ្ងៃសុក្រ លើសំណើរបស់សហរដ្ឋអាមេរិកដើម្បីទទួលបានធនធានរ៉ែរបស់អ៊ុយក្រែន។ ការរំពឹងទុកសម្រាប់ការទម្លាយភាពទាល់ច្រក មានតិចតួចដោយសារតែបរិយាកាស «ប្រឆាំងគ្នា» នៅក្នុងកិច្ចប្រជុំ។

ប្រភពព័ត៌មានបាននិយាយថា បរិយាកាសនៃការចរចាគឺមានភាពផ្ទុយគ្នាខ្លាំង ដោយចង្អុលទៅរកពង្រាង«ឆ្វេងនិយមជ្រុល»ដែលបញ្ជូនដោយរដ្ឋបាលលោកTrump កាលពីខែមុន។ អ្នកនាំពាក្យក្រសួងរតនាគារ បានបញ្ជាក់ពីកិច្ចពិភាក្សា ដោយហៅថា «មានលក្ខណៈបច្ចេកទេស»  

សេចក្តីព្រៀងចុងក្រោយ នឹងផ្តល់សិទ្ធិពិសេសដ៏ទូលំទូលាយដល់សហរដ្ឋអាមេរិកក្នុងការធ្វើអាជីវកម្មធនធានរ៉ែរបស់អ៊ុយក្រែន ហើយតម្រូវឱ្យទីក្រុងគីវ ដាក់ចូលក្នុងមូលនិធិវិនិយោគរួមនូវរាល់ប្រាក់ចំណូលទាំងអស់ដែលបានមកពីការរុករកធនធានធម្មជាតិដោយក្រុមហ៊ុនរដ្ឋនិងឯកជន របស់អ៊ុយក្រែន។

ទោះជាយ៉ាងណា កិច្ចព្រមព្រៀងដែលបានស្នើឡើង នឹងមិនផ្តល់ការធានាសន្តិសុខរបស់សហរដ្ឋអាមេរិកដល់ទីក្រុងគីវឡើយ ដែលជាអាទិភាពកំពូលរបស់ប្រធានាធិបតីអ៊ុយក្រែន លោក Volodymyr Zelenskiy សម្រាប់ការប្រយុទ្ធរបស់ខ្លួនប្រឆាំងកងកម្លាំងរុស្ស៊ីដែលកាន់កាប់ទឹកដីរបស់ខ្លួនប្រហែល២០%។