​

ប្រធានាធិបតីទួរគី លោក Recep Tayyip Erdogan កាលពីថ្ងៃសុក្រ បានរិះគន់អ៊ីស្រាអែលខ្លាំងៗ ចំពោះការបង្កើនភាពតានតឹងនៅមជ្ឈិមបូព៌ា ដោយព្រមានថា ការវាយប្រហាររបស់ប្រទេសនេះលើប្រទេសស៊ីរី និងលីបង់ គំរាមកំហែងដល់ស្ថិរភាពតំបន់ និងរារាំងដល់កិច្ចខិតខំប្រឹងប្រែងដើម្បីប្រយុទ្ធប្រឆាំងអំពើភេរវកម្ម ជាពិសេសប្រឆាំងក្រុមរដ្ឋអ៊ីស្លាម (IS)។

លោក Erdogan បាននិយាយនៅក្នុងសុន្ទរកថារបស់លោក នៅក្នុងការបើកវេទិកាការទូត Antalya ថា «អ៊ីស្រាអែល កំពុងក្លាយជារដ្ឋបង្កបញ្ហាកាន់តែខ្លាំង ដែលគំរាមកំហែងដោយផ្ទាល់ដល់ស្ថិរភាពតំបន់ ជាពិសេសជាមួយនឹងការវាយប្រហាររបស់ខ្លួនលើប្រទេសលីបង់ និងស៊ីរី»។

លោក បានចោទប្រកាន់អ៊ីស្រាអែល ថា បានព្យាយាម«កកូរកកាយសម្ព័ន្ធសាសនា និងជនជាតិភាគតិច នៅក្នុងប្រទេសស៊ីរី និងរុញជនជាតិភាគតិចនៅក្នុងប្រទេសស៊ីរី ឲ្យប្រឆាំងនឹងរដ្ឋាភិបាល»។ 

លោកបានសន្យាថា ទួរគី នឹងមិនអនុញ្ញាតឱ្យស៊ីរី ត្រូវបាន «អូសទាញចូលទៅក្នុងចរន្តថ្មីនៃអស្ថិរភាព» ដោយសង្កត់ធ្ងន់ថា ទួរគី បានចាត់ទុកបូរណភាពទឹកដី និងសន្តិសុខរបស់ប្រទេសស៊ីរី ថាមានទំនាក់ទំនងសំខាន់ទៅនឹងផលប្រយោជន៍ជាតិរបស់ខ្លួន។