បេសកជនពិសេសរបស់ប្រធានាធិបតីអាមេរិកលោក Steve Witkoff បាននិយាយ នៅក្នុងបទសម្ភាសន៍មួយ ជាមួយទូរទស្សន៍ Fox News TV ថា រុស្ស៊ី និងសហរដ្ឋអាមេរិក មានលទ្ធភាពក្នុងការស្តារទំនាក់ទំនងទ្វេភាគីរបស់ពួកគេ ឡើងវិញ។

លោកបាននិយាយថា៖«ខ្ញុំជឿថា មានលទ្ធភាពក្នុងធ្វើឲ្យទំនាក់ទំនងរុស្ស៊ី-អាមេរិកល្អប្រសើរឡើងវិញ តាមរយៈឱកាសពាណិជ្ជកម្មដ៏សំខាន់មួយចំនួន ដែលខ្ញុំគិតថា នឹងផ្តល់ស្ថិរភាពពិតប្រាកដដល់តំបន់។ ភាពជាដៃគូ បង្កើតស្ថិរភាព»។

ដោយនិយាយអំពីការវិវឌ្ឍដែលកំពុងបន្ត នៅក្នុងប្រទេសអ៊ុយក្រែន លោក Witkoff បានបញ្ជាក់ថា ទាំងទីក្រុងមូស្គូ និងទីក្រុងវ៉ាស៊ីនតោន គឺឈានដល់ដំណោះស្រាយចំពោះជម្លោះនេះហើយ។

មន្ត្រីជាន់ខ្ពស់អាមេរិករូបនេះ បាននិយាយថា៖ «ពួកយើងអាចឈានទៅដល់ចំណុចណាមួយ ដែលអាចមានសារៈសំខាន់ខ្លាំងណាស់ សម្រាប់ពិភពលោកទាំងមូល”។

កាលពីថ្ងៃសុក្រសប្តាហ៍មុន លោក ពូទីន បានជួបជាមួយលោក Witkoff នៅបណ្ណាល័យប្រធានាធិបតី ក្នុងទីក្រុង St. Petersburg ដែលមានរយៈពេលរហូតដល់ ៥ម៉ោង។ ជំនួបនេះ បានធ្វើឡើងដោយសម្ងាត់ ហើយបានបញ្ចប់ នៅវេលាម៉ោង១០យប់ ( ម៉ោងនៅទីក្រុងម៉ូស្គូ (៧:00 ល្ងាច ម៉ោងសកល)។ ប្រធានបទសំខាន់ គឺស្ថានភាពនៅអ៊ុយក្រែន។