នាយកប្រតិបត្តិលោក Eric Beranger បានប្រាប់សារព័ត៌មាន Financial Times (FT) ក្នុងបទសម្ភាសន៍មួយថា ក្រុមហ៊ុនការពារអឺរ៉ុប MBDA ដែលផលិតមីស៊ីលតម្រង់គោលដៅ Storm Shadow មានបំណងបង្កើនទិន្នផលទ្វេដង បើធៀបនឹងឆ្នាំ ២០២៣។

លោកបានគូសបញ្ជាក់ថា៖«ដើម្បីទប់ទល់នឹងការប្រឈមនឹងការជំរុញផលិតកម្ម យើងត្រូវមានឧស្សាហកម្មច្រើនជាងនេះ។ យោងតាមលោក Berangerបានឲ្យដឹងថា ក្រុមហ៊ុនបានប្រឈមមុខនឹងសម្ពាធយ៉ាងខ្លាំងពីយោធា ជាពិសេសនៅក្នុងប្រទេសបារាំង ដើម្បីពន្លឿនការផ្គត់ផ្គង់មីស៊ីលបាញ់ពីដីទៅលើអាកាស Aster ។ ក្តីបារម្ភនេះ បានធ្វើឲ្យបណ្តាក់ទុនរាប់សិបលានអឺរ៉ូរួចហើយ ទៅក្នុងទំនើបកម្មនៃខ្សែច្រវ៉ាក់ ផលិតកម្មរបស់ខ្លួន រួមទាំងដោយការបន្ថែមម៉ាស៊ីនមនុស្សយន្ត និងពង្រីកការផ្លាស់ប្តូរបន្ថែមទៀត។

សារព័ត៌មាននេះ កត់សម្គាល់ថា ពេលវេលាផលិតមីស៊ីល Aster ត្រូវបានកាត់បន្ថយពីជាង ៣ឆ្នាំ មកត្រឹម២ឆ្នាំ។ក្រុមហ៊ុន MBDA ក៏កំពុងពិចារណាលើជម្រើសនៃការពង្រីកការគ្រប់គ្រងលើសមាសធាតុសំខាន់ៗ រួមទាំងតាមរយៈការទទួលយកអ្នកម៉ៅការ និងធានាការរួមបញ្ចូលបញ្ឈរ ដើម្បីបង្កើនល្បឿនផលិតកម្ម។ ទោះជាយ៉ាងណាក៏ដោយ ផែនការនេះ បានប្រឈមមុខនឹងការជំទាស់ពីប្រទេសបារាំង ចក្រភពអង់គ្លេស និងអ៊ីតាលី ដែលភ័យខ្លាចថា ការផ្លាស់ប្តូរនៅក្នុងស្ថាបត្យកម្មផលិតកម្ម អាចធ្វើឲ្យឥទ្ធិពលជាតិចុះខ្សោយនៅក្នុងការប្រតិបត្តិការរវាងប្រទេសជាច្រើន។

ក្រុមMBDA គឺជាក្រុមហ៊ុនបណ្តាក់ទុនរួមគ្នាដោយក្រុមហ៊ុន Airbus របស់ប្រទេសបារាំង ក្រុមហ៊ុន BAE Systems របស់ចក្រភពអង់គ្លេស និងក្រុមហ៊ុន Leonardo របស់ប្រទេសអ៊ីតាលី។ មីស៊ីល Storm Shadow ដែលក្រុមហ៊ុនផលិត ត្រូវបានផ្គត់ផ្គង់ជាចម្បងដល់អ៊ុយក្រែន។