បេសកជនចំណាប់ខ្មាំងជាន់ខ្ពស់របស់ប្រធានាធិបតីអាមេរិក Donald Trump បាននិយាយក្នុងបទសម្ភាសន៍ជាមួយទូរទស្សន៍ Al Jazeera ថា ការវាយប្រហាររបស់អ៊ីស្រាអែលលើតំបន់ហ្កាហ្សានឹងបញ្ចប់ ប្រសិនបើក្រុមហាម៉ាស ដោះលែងអ្នកជាប់ឃុំទាំងអស់ដែលនៅសេសសល់។

លោក Adam Boehler បេសកជនពិសេសរបស់សហរដ្ឋអាមេរិកសម្រាប់ការឆ្លើយតបចំណាប់ខ្មាំងបាននិយាយថា លោកអាចប្រាប់អ្នកថាការប្រយុទ្ធនឹងបញ្ចប់ភ្លាមៗ ប្រសិនបើចំណាប់ខ្មាំងត្រូវបានដោះលែង ។ថ្ងៃដែលចំណាប់ខ្មាំងទាំងនោះត្រូវបានដោះលែង ការប្រយុទ្ធនឹងត្រូវបញ្ចប់។

ការអត្ថាធិប្បាយរបស់លោក Boehler កាលពីថ្ងៃពុធសប្ដាហ៍នេះ បានកើតឡើង ខណៈចំនួនអ្នកស្លាប់ពីការវាយលុករបស់អ៊ីស្រាអែលនៅតំបន់ហ្កាហ្សាបានកើនឡើងដល់៥១.០២៥នាក់ និងយ៉ាងហោចណាស់មានជនជាតិប៉ាឡេស្ទីនចំនួន១.៦៥២នាក់ត្រូវបានសម្លាប់ចាប់តាំងពីការវាយប្រហាររបស់អ៊ីស្រាអែលបានបន្តបន្ទាប់ពីបទឈប់បាញ់ សម្របសម្រួលដោយរដ្ឋបាលរបស់លោក Trump បានបញ្ចប់កាលពីខែមីនា។

ការវាយប្រហារថ្មីចុងក្រោយរបស់អ៊ីស្រាអែលនៅសប្ដាហ៍នេះបានសម្លាប់មនុស្សជាច្រើន ខណៈពលរដ្ឋ៥០ម៉ឺននាក់ត្រូវបានបង្ខំឲ្យភៀសខ្លួន។

ទោះបីអ៊ីស្រាអែលកំពុងបន្តវាយលុកលើតំបន់ឡោមព័ទ្ធនេះក៏ដោយ ក៏លោក Boehler បាននិយាយថា គ្រាប់បាល់នោះស្ថិតនៅក្នុងដៃរបស់ក្រុម ហាម៉ាស។

លោកបាននិយាយថា ពួកគេអាចទាក់ទងបានគ្រប់ពេល។ក្រុមហាម៉ាស អាចបញ្ចប់រឿងនេះ។លោកថា ជំហានទីមួយគឺចំណាប់ខ្មាំងទាំងអស់ត្រូវបានដោះលែង។ជំហានទីពីរគឺ ចូរយើងស្វែងយល់ពីថ្ងៃនេះតទៅ៕