ប្រទេសប៉េរូ បានបន្ថែមពេលរដ្ឋក្នុងគ្រាអាសន្ននៅក្នុងទីក្រុង Lima និងទីក្រុង Callao ដោយបានអនុវត្តនូវច្បាប់ថ្មី ដែលតម្រូវឱ្យអ្នកជិះម៉ូតូមានតែម្នាក់ឯងប៉ុណ្ណោះ។

សេចក្តីសម្រេចនេះ ត្រូវបានប្រកាសដោយប្រធានាធិបតី លោកស្រី Dina Boluarte ក្នុងគោលបំណងទប់ស្កាត់ឧក្រិដ្ឋកម្មក្នុងទីក្រុង ដោយកំណត់គោលដៅលើឧក្រិដ្ឋជនដែលប្រើប្រាស់ម៉ូតូសម្រាប់សកម្មភាពខុសច្បាប់។ វិធានការនេះ អនុញ្ញាតឱ្យនគរបាលជាតិ និងកងកម្លាំងប្រដាប់អាវុធ រក្សាសណ្តាប់ធ្នាប់សាធារណៈ។

អ្នកជិះម៉ូតូ បានបង្ហាញការព្រួយបារម្ភកាលពីថ្ងៃពុធ អំពីផលប៉ះពាល់លើជីវិតប្រចាំថ្ងៃ និងការដឹកជញ្ជូនគ្រួសារ។

រដ្ឋាភិបាលប្រទេសប៉េរូ បាននិយាយថា ការរឹតបន្តឹងទាំងនេះ មានសារៈសំខាន់ដើម្បីកាត់បន្ថយអត្រាឧក្រិដ្ឋកម្ម នៅក្នុងរដ្ឋធានី និងតំបន់ជុំវិញនានា។