​

យោងតាមមន្ត្រីរដ្ឋបាល និងបុគ្គលផ្សេងទៀត ដែលផ្ដល់ព័ត៌មានអំពីការពិភាក្សា បានឲ្យដឹងថា អ៊ីស្រាអែលមានគម្រោងវាយប្រហារទីតាំងនុយក្លេអ៊ែរអ៊ីរ៉ង់យ៉ាងឆាប់រហ័សនៅខែឧសភា ប៉ុន្តែត្រូវបានរារាំងដោយប្រធានាធិបតីអាមេរិក លោក Donald Trump ក្នុងប៉ុន្មានសប្តាហ៍ថ្មីៗនេះ ដើម្បីគាំទ្រដល់ការចរចាកិច្ចព្រមព្រៀងជាមួយក្រុងតេអេរ៉ង់ ក្នុងការកម្រិតកម្មវិធីនុយក្លេអ៊ែររបស់ទីក្រុងនេះ។

លោក Trump បានធ្វើការសម្រេចចិត្ត បន្ទាប់ពីមានការជជែកពិភាក្សាផ្ទៃក្នុងជាច្រើនខែអំពីថា តើត្រូវបន្តការងារការទូត ឬគាំទ្រអ៊ីស្រាអែលរារាំងសមត្ថភាពរបស់អ៊ីរ៉ង់កុំឲ្យផលិតគ្រាប់បែកនុយក្លេអ៊ែរដែរ ឬយ៉ាងណា ក្នុងពេលដែលប្រទេសមជ្ឈិមបូព៌ាមួយនេះ ត្រូវបានធ្វើឲ្យចុះខ្សោយទាំងផ្នែកយោធា និងសេដ្ឋកិច្ច។

ការជជែកដេញដោលនេះ បានបង្ហាញឲ្យឃើញនូវការខ្វែងគំនិតគ្នាយ៉ាងខ្លាំង រវាងមន្ត្រីខុទ្ទកាល័យសហរដ្ឋអាមេរិកដែលតែងគាំទ្រឲ្យសង្គ្រាម និងជំនួយការផ្សេងទៀតដែលកាន់តែសង្ស័យថា តើការវាយប្រហារយោធាលើប្រទេសអ៊ីរ៉ង់ អាចបំផ្លាញមហិច្ឆតានុយក្លេអ៊ែររបស់ប្រទេសនេះ និងបញ្ចៀសកុំឲ្យសង្គ្រាមរីករាលកាន់តែធំបានដែរ ឬទេ។

ការជជែកគ្នាបាននាំឲ្យមានការយល់ស្របមិនស្រុះស្រួលគ្នាមួយ ពោលគឺសម្រាប់ពេលនេះ ប្រឆាំងនឹងវិធានការយោធា ដោយអ៊ីរ៉ង់បានបង្ហាញពីឆន្ទៈចរចា។ ថ្មីៗនេះ មន្ត្រីអ៊ីស្រាអែលបានបង្កើតផែនការវាយប្រហារទីតាំងនុយក្លេអ៊ែរអ៊ីរ៉ង់ ក្នុងខែឧសភា។ ពួកគេបានត្រៀមខ្លួនអនុវត្ត ហើយពេលខ្លះ មានសុទិដ្ឋិនិយមថា សហរដ្ឋអាមេរិក នឹងចុះហត្ថលេខាលើវិធានការនេះ។ តែយ៉ាងណាក្ដី សម្រាប់ពេលនេះ លោក Trump បានជ្រើសរើសការងារការទូត ជាជាងមានវិធានការយោធា៕