ឯកអគ្គរដ្ឋទូតរុស្ស៊ីប្រចាំនៅចក្រភពអង់គ្លេស លោក Andrey Kelin បានប្រាប់សារព័ត៌មាន TASS នៅក្នុងបទសម្ភាសន៍មួយថា ទំនាក់ទំនងរវាងរុស្ស៊ី និងចក្រភពអង់គ្លេស កំពុងប្រឈមនឹងវិបត្តិយ៉ាងធ្ងន់ធ្ងរ ហើយសម្ពាធលើអ្នកការទូតរុស្ស៊ី កំពុងកើនឡើងគួរឲ្យកត់សម្គាល់។  

អ្នកការទូតរុស្ស៊ីរូបនេះ បាននិយាយថា៖ «ទំនាក់ទំនងរុស្ស៊ី-អង់គ្លេស បានស្ថិតក្នុងវិបត្តិយូរអង្វែង។ ដូចនៅក្រោមក្រុមអភិរក្សនិយម រដ្ឋាភិបាលរបស់គណបក្សការងារបច្ចុប្បន្ន បានតាំងខ្លួន ជាអ្នកផ្តួចផ្តើមនៃយុទ្ធនាការប្រឆាំងរុស្ស៊ីដែលគូប្រជែង។ តាមធម្មតា វាធ្វើឲ្យប៉ះពាល់ដល់ផលប្រយោជន៍ច្បាស់លាស់របស់ប្រជាពលរដ្ឋរបស់ខ្លួន»។

យោងតាមលោក Kelin បានឲ្យដឹងថា ប្រតិកម្មសិប្បនិម្មិតដូចជាការបន្តនៃករណីរបស់អតីតមន្ត្រីចារកម្ម លោកSkripal និងការប្រឌិតរឿងអំពីចារកម្ម និងការបំផ្លិចបំផ្លាញ ត្រូវបានបង្កើតឡើង ដើម្បីបង្វែរប្រទេសអង់គ្លេស និងដៃគូប្រឆាំងនឹងរុស្ស៊ី។ លោកបាននិយាយដោយទំនុកចិត្តថា៖«ក្រោមលេសមិនពិត ការរឹតបន្តឹងលើស្ថានទូតរបស់យើង ត្រូវបានដាក់ ហើយទោះបីជាសម្ពាធនេះ នឹងកើនឡើងក៏ដោយ វានឹងទទួលបានការឆ្លើយតបដ៏សមរម្យរបស់ប្រទេសរុស្ស៊ីយ៉ាងច្បាស់»។ 

លោក Kelin បានបន្តថា ខណៈពេលដែលការសន្ទនាដ៏មានអត្ថន័យណាមួយនៅក្នុងទិសដៅភាគច្រើន ត្រូវបានផ្អាក ឬ «កាត់បន្ថយមកត្រឹមកម្រិតអប្បបរមា»។ ប្រទេសរុស្ស៊ីរក្សាទំនាក់ទំនងការទូតជាមួយចក្រភពអង់គ្លេសនោះ ។ លោកបានពន្យល់ថា៖«ការប្រាស្រ័យទាក់ទងជាមួយអ្នកការទូតអង់គ្លេស នៅតែបន្ត ទោះបីជាភាគច្រើនលើប្រតិបត្តិការស្ថានទូតក៏ដោយ»។