នាយកគ្រប់គ្រងមូលនិធិរូបិយវត្ថុអន្តរជាតិ លោកស្រី Kristalina Georgieva បាននិយាយកាលពីថ្ងៃព្រហស្បតិ៍ថា សេដ្ឋកិច្ចពិតប្រាកដរបស់ពិភពលោកកំពុងដំណើរការល្អ ទោះបីជាមានភាពមិនច្បាស់លាស់ខ្លាំងជុំវិញការកើនឡើងសង្គ្រាមដំឡើងពន្ធ ដោយទីផ្សារការងាររឹងមាំ និងប្រព័ន្ធហិរញ្ញវត្ថុក៏នៅរឹងមាំ។ ប៉ុន្តែលោកស្រី ក៏បាននិយាយផងដែរថា ការយល់ឃើញអវិជ្ជមាន អាចធ្វើឲ្យប៉ះពាល់ដល់សកម្មភាពសេដ្ឋកិច្ច។

លោកស្រី Georgieva និយាយថា «អ្វីដែលយើងមើលឃើញ គឺសេដ្ឋកិច្ចពិតប្រាកដកំពុងដំណើរការ។ ទីផ្សារការងារនៅតែរឹងមាំ និងមានសារៈសំខាន់ខ្លាំង ហើយយើងត្រូវតែបង្ហាញថាប្រព័ន្ធហិរញ្ញវត្ថុកំពុងដំណើរការ ទោះបីជាមានការព្រួយបារម្ភក៏ដោយ»។ ហេតុអ្វី? ព្រោះ បន្ទាប់ពីវិបត្តិហិរញ្ញវត្ថុពិភពលោក រឿងរ៉ាវជាច្រើនត្រូវបានធ្វើ ដើម្បីកសាងភាពខ្លាំង។

លោកស្រី Georgieva បាននិយាយនៅមុនកិច្ចប្រជុំនិទាឃរដូវ IMF-World Bank ថា ការកើនឡើងភាពតានតឹងពាណិជ្ជកម្ម និងការផ្លាស់ប្តូរយ៉ាងខ្លាំងនៅក្នុងប្រព័ន្ធពាណិជ្ជកម្មសកល នឹងបង្កឱ្យមានការកែប្រែការបន្ទាបការព្យាករសេដ្ឋកិច្ចរបស់ IMF ប៉ុន្តែពុំមានវិបត្តិសេដ្ឋកិច្ចសកលត្រូវបានគេរំពឹងទុកនោះទេ។

លោកស្រី Georgieva បានអំពាវនាវឱ្យមានកិច្ចសហប្រតិបត្តិការនៅក្នុងពិភពពហុប៉ូលឲ្យកាន់តែខ្លាំងឡើង និងបានជំរុញឱ្យប្រទេសដែលមានសេដ្ឋកិច្ចធំៗឈានដល់ការដោះស្រាយពាណិជ្ជកម្មដែលរក្សាការបើកចំហ និងចាប់ផ្តើមឡើងវិញនិន្នាការពិភពលោកឆ្ពោះទៅរកអត្រាពន្ធទាប និងកាត់បន្ថយរបាំងពុំមែនជាការដំឡើងពន្ធ។