ប្រភពការទូតចំនួន ៣រូប នៅថ្ងៃសុក្រ (ទី១៨ ខែមេសា) នេះ បានបង្ហើបឲ្យដឹងថា ប្រទេសរ៉ា្វន់ដា បានយល់ព្រមអនុញ្ញាតឲ្យកងទ័ពដាក់ពង្រាយដោយប្លុកតំបន់អាហ្វ្រិកភាគខាងត្បូង ដើម្បីប្រយុទ្ធប្រឆាំងនឹងក្រុមឧទ្ទាម នៅភាគខាងកើតនៃសាធារណរដ្ឋប្រជាធិបតេយ្យកុងហ្គោ ជម្លៀសចេញពីទីក្រុង Goma ដែលកាន់កាប់ដោយក្រុមឧទ្ទាមឆ្លងកាត់ដែនដីរបស់ខ្លួនទៅកាន់ប្រទេសតង់ហ្សានី។

សហគមន៍អភិវឌ្ឍន៍អាហ្វ្រិកខាងត្បូង (SADC) ដែលមានសមាជិក ១៦ប្រទេស បានឲ្យដឹងកាលពីពាក់កណ្តាលខែមីនាថា ខ្លួនបានបញ្ចប់អាណត្តិហើយ ហើយនឹងចាប់ផ្តើមដកជាដំណាក់កាលពីប្រទេសកុងហ្គោនូវកងកម្លាំងរបស់ខ្លួន ដែលត្រូវបានគេស្គាល់ថា SAMIDRC។

អ្នកការទូតទាំង ៣រូបដែលដឹងអំពីកិច្ចចរចាដែលកំពុងបន្តមាន រវាងរ៉្វាន់ដា និង SADC បានបញ្ជាក់ថា រ៉្វាន់ដាបានទទួលយកសំណើសុំឲ្យកងទ័ពរបស់កងកម្លាំងនេះឆ្លងកាត់ប្រទេសតាមផ្លូវគោក។

ហើយអ្នកការទូត ២នាក់ បានបន្ថែមថា ពួកគេត្រូវបានជូនដំណឹងថា អាវុធរបស់កងកម្លាំងក្នុងតំបន់ នឹងត្រូវបានហាមឃាត់មិនឲ្យប្រើប្រាស់ សម្រាប់ហេតុផលសន្តិសុខ ប៉ុន្តែអាវុធទាំងនោះនឹងត្រូវបានចេញពីដែនដីរ្វ៉ាន់ដា ជាមួយកងទ័ព។

យ៉ាងណាក្ដី ពាក់ព័ន្ធនឹងការលើកឡើងនេះ មិនទាន់មានការឆ្លើយតបភ្លាមៗនៅឡើយទេពី SADC ឬទាំងពីអ្នកនាំពាក្យរបស់រដ្ឋាភិបាលកុងហ្គោ និងរ៉្វាន់ដា នៅពេលត្រូវបានសួរសុំការអត្ថាធិប្បាយ៕