យោធាអ៊ីស្រាអែល បាននិយាយកាលពីថ្ងៃសុក្រថា ការវាយប្រហារតាមអាកាសរបស់អ៊ីស្រាអែល បានវាយលុកលើគោលដៅប្រហែល៤០កន្លែង នៅទូទាំងតំបន់ហ្កាហ្សា ក្នុងរយៈពេលមួយថ្ងៃកន្លងទទៅនេះ។ វាបានកើតឡើងប៉ុន្មានម៉ោងបន្ទាប់ពីក្រុមហាម៉ាស បានច្រានចោលជាផ្លូវការនូវការផ្តល់បទឈប់បាញ់របស់អ៊ីស្រាអែល។ ប្រមុខគ្រប់គ្រងតំបន់ហ្កាហ្សានៃក្រុមសកម្មប្រយុទ្ធប៉ាឡេស្ទីន លោក Khalil Al-Hayya បាននិយាយថា កិច្ចព្រមព្រៀងនោះ មិនស្របតាមការទាមទាររបស់ខ្លួន ក្នុងការឯកភាពបញ្ចប់សង្គ្រាមទាំងស្រុងទេ។ លោក Netanyahu និងរដ្ឋាភិបាលរបស់លោក ប្រើប្រាស់កិច្ចព្រមព្រៀងដោយផ្នែក ជារបាំងការពារ របៀបវារៈនយោបាយរបស់ខ្លួន ដែលផ្អែកសំខាន់លើការបន្តសង្រ្គាមនៃការសម្លាប់រង្គាល និងបង្អត់អាហារធ្វើឲ្យមនុស្សស្លាប់ បើទោះជាតម្លៃនោះកំពុងលះបង់ចំណាប់ថ្នូររបស់លោកទាំងអស់ក៏ដោយ ខណៈយើងនឹងពុំមែនជាផ្នែកមួយនៃការអនុម័តគោលនយោបាយនេះទេ»។

អាជ្ញាធរសុខាភិបាលប៉ាឡេស្ទីន បាននិយាយថា មនុស្សយ៉ាងហោចណាស់ ៣០ នាក់ត្រូវបានសម្លាប់ក្នុងការវាយប្រហារ កាលពីថ្ងៃសុក្រ។ នេះបន្ថែមលើចំនួនអ្នកស្លាប់ជាង១.៥០០នាក់ ចាប់តាំងពីអ៊ីស្រាអែល បានបន្តការវាយប្រហារតាមអាកាសកាលពីខែមីនា។ 

រដ្ឋមន្ត្រីការពារជាតិ លោក Israel Katz បាននិយាយក្នុងសប្តាហ៍នេះថា កងទ័ពអ៊ីស្រាអែល នឹងនៅតែស្ថិតក្នុងតំបន់ទ្រនាប់ ដែលពួកគេបានបង្កើតឡើងនៅក្នុងតំបន់ហ្កាហ្សា ទោះបីជាបន្ទាប់ពីការបញ្ចប់សង្គ្រាមណាមួយក៏ដោយ។