តាកែវ៖ ប្រធានក្រុមការងារគណបក្សចុះជួយមូលដ្ឋាន ឃុំរមេញ ស្រុកកោះអណ្តែត ខេត្តតាកែវ បានបញ្ជាក់ថាមន្ត្រីគណបក្សប្រជាជនកម្ពុជាត្រូវមានសមត្ថភាពចំណេះដឹងនិងបទពិសោធន៍ដើម្បីបំរើប្រជាពលរដ្ឋតាមមូលដ្ឋានអោយបានល្អ។
ឯកឧត្តម សុខប្រសិទ្ធិ អនុប្រធានក្រុមការងារគណបក្សចុះជួយមូលដ្ឋាន ស្រុកកោះអណ្តែត និងប្រធានក្រុមការងារការងារគណបក្សចុះជួយមូលដ្ឋាន ឃុំរមេញ បានផ្តាំផ្ញើរឱ្យសមាជិកគណបក្សប្រជាជនកម្ពុជាត្រូវពង្រឹងស្មារតីទាំងចំណេះដឹង បទពិសោធន៍បង្កើនប្រជាប្រិយភាពជាមួយប្រជាពលរដ្ឋអោយល្អប្រសើរនៅតាមមូលដ្ឋាន។
ឯកឧត្តម សុខប្រសិទ្ធិ បានលើកឡើងខណៈអញ្ជើញចូលរួមនៅក្នុងពិធីបោះឆ្នោតស្ទាបស្ទង់ជ្រើសរើសបេក្ខភាពឈរឈ្មោះក្រុមប្រឹក្សា ឃុំ សង្កាត់អាណត្តិទី៥ សម្រាប់ឆ្នាំ២០២២-២០២៧ ដែលធ្វើឡើងនៅថ្ងៃទី៦ ខែធ្នូ ឆ្នាំ២០២១ នៅទីស្នាក់ការគណបក្សប្រជាជនកម្ពុជាស្រុកកោះអណ្តែត ខេត្តតាកែវ។
ឯកឧត្តម បានមានប្រសាសន៍ថា ការបោៈឆ្នោតស្ទាបស្ទង់មតិនេៈមានសារៈសំខាន់ណាស់ដើម្បីជ្រើសរើសបេក្ខជនក្រុមប្រឹក្សា ឃុំសង្កាត់មានសមត្ថភាពគ្រប់គ្រាន់ ដែលមានលក្ខណៈសម្បត្តិដឹកនាំត្រឹមត្រូវតម្លាភាពគតិយុត្តិគិតគូរពីផលប្រយោជន៍រួមប្រជាពលរដ្ឋក្នុងមូលដ្ឋានគោរពស្រលាញ់ ដឹងពីសុខទុក្ខជីវភាពរស់នៅរបស់ប្រជាពលរដ្ឋបម្រើសេវាសាធារណៈសេវាតម្រូវការនិងសេវាផ្សេងៗទៀតជូនប្រជាពលរដ្ឋបានល្អ ជាពិសេសបន្តការអភិវឌ្ឍមូលដ្ឋានមានការរីកចម្រើន ដើម្បីបម្រើផលប្រយោជន៍បស់ប្រជាពលរដ្ឋ។ ឯកឧត្ដមបានបានលើកទឹកចិត្តដល់ស្ត្រីឱ្យមានការចូលរូមឈរឈ្មោៈបេក្ខនារីក្រុមប្រឹក្សាឃុំអោយមានយ៉េនឌឺជាអ្នកដឹកនាំក្នុងមូលដ្ឋាន។
ឯកឧត្ដម បានសំណូមពរដល់សមាជិកសមាជិកាបន្តធ្វើអំពើល្អតាមអនុសាសន៍ដ៍ខ្ពង់ខ្ពស់របស់សម្ដេចតេជោ ហ៊ុនសែនប្រធានគណបក្សប្រជាជនកម្ពុជា បន្តប្រកាន់ ខ្ជាប់នូវស្មារតីសាមគ្គីភាព ការរូបរួមនិងតម្កល់ផលប្រយោជន៍រួមជាចម្បងដើម្បីរួបរួមគ្នាធ្វើសកម្មភាពពង្រឹងប្រៀបឈ្នះរបស់គណបក្សប្រជាជនកម្ពុជាក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ និងការបោះឆ្នោតជ្រើសរើសតំណាងរាស្ត្រអាណត្តិទី៧និងគ្រប់ការបោះឆ្នោតដើម្បីគណបក្សប្រជាជនកម្ពុជាបន្តយកជ័យជន្នះនិងរក្សាបានសុខសន្តិភាព ដើម្បីបន្តការអភិវឌ្ឍប្រទេសជាតិអោយកាន់តែរីកចំរើនជឿនលឿនយូរអង្វែងចីរកាល។
សូមបញ្ជាក់ថា បេក្ខជនឈរឈ្មោៈជាក្រុមប្រឹក្សាឃុំរមេញ អាណត្តិទី៥ឆ្នាំ២០២២របស់គណបក្សប្រជាជនកម្ពុជាមានចំនួន ២៤រូប។
ឆ្លៀតក្នុងឱកាសនោះដែរឯកឧត្ដម សុខ ប្រសិទ្ធិ បានឧបត្ថម្ភថវិកាដល់អង្គបោះឆ្នោត លោកអភិបាលនៃគណៈអភិបាលស្រុកកោះអណ្តែត ក្រុមគ្រូពេទ្យ ០៧នាក់ ក្រុមពិធីការ ០៥នាក់ អង្គចូលរួមបោះឆ្នោត ១០២នាក់ កងកម្លាំងការពារ ៧នាក់ សរុបថវិកាចំនួន ៤លានរៀល៕ អត្ថបទ៖ ម៉ក់ រ៉េនីតា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
