នគរបាល បាននិយាយកាលពីថ្ងៃសុក្រថា មនុស្សយ៉ាងតិច ១២នាក់ ត្រូវបានសម្លាប់ នៅក្នុងការវាយប្រហារមួយ នៅក្នុងខេត្តឆ្នេរសមុទ្រ Manabi របស់ប្រទេសអេក្វាឌ័រ។

ការវាយប្រហារនេះ បានកើតឡើងនៅពេលយប់ នៅសង្វៀនជល់មាន់មួយកន្លែង ជាទីប្រមូលផ្តុំមនុស្សដើម្បីមើលមាន់ជល់គ្នា។

នគរបាល បាននិយាយថា មានអ្នករបួសផងដែរ ត្រូវបានបញ្ជូនទៅមណ្ឌលសុខភាព ប៉ុន្តែមិនបានបញ្ជាក់ថា មានប៉ុន្មាននាក់នោះទេ។

នគរបាល បានបន្ថែមថា អង្គភាពស៊ើបអង្កេត កំពុងស្ថិតនៅកន្លែងកើតហេតុ ដើម្បីប្រមូលព័ត៌មាន និងកំណត់អត្តសញ្ញាណជនដៃដល់។

លោក Renan Miller មេបញ្ជាការនៃកងកម្លាំងនរគបាលអេក្វាឌ័រតំបន់ ៤ បាននិយាយថា ជនល្មើសបានបោះបង់ចោលឯកសណ្ឋានយោធា ហើយបានដុតបំផ្លាញរថយន្តរបស់ពួកគេ បន្ទាប់ពីការវាយប្រហារ។