ទីភ្នាក់ងារព័ត៌មាន Bloomberg បានរាយការណ៍ដោយដកស្រង់សម្តីប្រភពនានាថា សំណើសន្តិភាពរបស់សហរដ្ឋអាមេរិកលើអ៊ុយក្រែន ស្នើឲ្យមានការបន្ធូរបន្ថយទណ្ឌកម្មប្រឆាំងរុស្ស៊ី។

យោងតាមប្រភពបានឲ្យដឹងថា ទម្រង់នៃផែនការរបស់សហរដ្ឋអាមេរិក ត្រូវបានចែករំលែកក្នុងអំឡុងពេលកិច្ចប្រជុំនៅទីក្រុងប៉ារីស កាលពីថ្ងៃព្រហស្បតិ៍ ដោយមានការចូលរួមដោយតំណាងរបស់ចក្រភពអង់គ្លេស សហរដ្ឋអាមេរិក អ៊ុយក្រែន និងប្រទេសបារាំង។

ទីភ្នាក់ងារនេះ បានឲ្យដឹងទៀតថា សំណើដែលអាមេរិកបង្ហាញដល់សម្ព័ន្ធមិត្តរបស់ខ្លួន នៅទីក្រុងប៉ារីសក៏បង្កប់ន័យថា ទឹកដីទាំងអស់ដែលត្រូវបានរំដោះដោយរុស្ស៊ី នៅតែស្ថិតក្រោមការគ្រប់គ្រងរបស់ទីក្រុងមូស្គូ ខណៈដែល «សេចក្តីប្រាថ្នារបស់ទីក្រុងគីវ ក្នុងការចូលរួមជាមួយណាតូ នឹងមិនត្រូវបានយកមកពិចារណាឡើយ។ យោងតាមរបាយការណ៍បានឲ្យដឹងថា ផែនការរបស់ទីក្រុងវ៉ាស៊ីនតោន ដែលចាំបាច់ត្រូវពិភាក្សាបន្ថែម នឹងមិនស្មើនឹងដំណោះស្រាយច្បាស់លាស់នោះទេ។

ទីភ្នាក់ងារនេះ បាននិយាយមុននេះថា មន្ត្រីអាមេរិក បានបញ្ជាក់នៅក្នុងកិច្ចប្រជុំ នៅទីក្រុងប៉ារីសថា ពួកគេ ចង់ទទួលបានបទឈប់បាញ់ពេញលេញ នៅអ៊ុយក្រែន ក្នុងរយៈពេលប៉ុន្មានសប្តាហ៍ខាងមុខនេះ។