មន្ត្រីបាននិយាយកាលពីថ្ងៃសុក្រថា យ៉ាងហោចណាស់មនុស្ស ១៤៣នាក់ បានស្លាប់ និងរាប់សិបនាក់ផ្សេងទៀត បានបាត់ខ្លួន បន្ទាប់ពីទូកដឹកប្រេង បានឆាបឆេះ និងបានក្រឡាប់ នៅសាធារណរដ្ឋប្រជាធិបតេយ្យកុងហ្គោ។

លោក Josephine-Pacifique Lokumu ប្រធានគណៈប្រតិភូតំណាងជាតិមកពីតំបន់នេះ បាននិយាយថា អ្នកដំណើររាប់រយនាក់ បានជិះទូកឈើមួយគ្រឿង នៅលើទន្លេកុងហ្គោ នៅភាគពាយព្យនៃ ប្រទេសនេះ កាលពីថ្ងៃអង្គារ នៅពេលដែលអគ្គិភ័យ បានឆាបឆេះឡើង។ 

គ្រោះមហន្តរាយនេះ បានកើតឡើងនៅជិតទីក្រុង Mbandaka រដ្ឋធានីនៃខេត្ត Equateur នៅចំណុចប្រសព្វនៃទន្លេ Ruki និងទន្លេ Congo ដ៏ធំ ដែលជាទន្លេមានជម្រៅទឹកជ្រៅបំផុតរបស់ពិភពលោក។

លោក Lokumu បានប្រាប់សារព័ត៌មាន AFP ថា៖«ក្រុមទី១ នៃសាកសពចំនួន ១៣១នាក់ ត្រូវបានគេរកឃើញកាលពីថ្ងៃពុធ ជាមួយនឹងសាកសពចំនួន ១២នាក់ទៀត ត្រូវបានរកឃើញ នៅថ្ងៃព្រហស្បតិ៍ និងថ្ងៃសុក្រ។ ពួកគេជាច្រើន ត្រូវបានភ្លើងឆេះខ្លោច។