មន្ត្រីអង្គការសុខភាពពិភពលោក បាននិយាយកាលពីថ្ងៃអាទិត្យ ទី២០ ខែមេសា ថា សហរដ្ឋអាមេរិកបានកាត់ជំនួយបរទេស ធ្វើឲ្យមានហានិភ័យការកើនឡើងសម្ពាធលើវិបត្តិមនុស្សធម៌ដែលធ្ងន់ធ្ងររួចទៅហើយនៅទូទាំងពិភពលោក។

ចាប់តាំងពីចូលកាន់តំណែងក្នុងខែមករា លោកប្រធានាធិបតី Donald Trump បានបង្កកមូលនិធិជំនួយបរទេសដោយប្រសិទ្ធភាព ហើយមានចំណាត់ការរុះរើទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) និងកម្មវិធីផ្សេងៗទៀត និងបានប្រកាសពីផែនការចាកចេញពីអង្គការសុខភាពពិភពលោក(WHO)។

ទីក្រុងវ៉ាស៊ីនតោន ដែលជាម្ចាស់ជំនួយធំបំផុតរបស់អង្គការសុខភាពពិភពលោក(WHO) ជាយូរណាស់មកហើយ នៅពុំទាន់បានបង់ការចំណាយរបស់ខ្លួនសម្រាប់ឆ្នាំ២០២៤នៅឡើយ ហើយវានៅតែមិនច្បាស់នោះទេថាតើសហរដ្ឋអាមេរិកនឹងបំពេញកាតព្វកិច្ចសមាជិកភាពរបស់ខ្លួនសម្រាប់ឆ្នាំ២០២៥ ដែរឬយ៉ាងណា។

លោកស្រី Hanan Balkhy នាយកប្រចាំតំបន់របស់អង្គការសុខភាពពិភពលោកប្រចាំតំបន់មេឌីទែរ៉ាណេភាគខាងកើត បានប្រាប់សារព័ត៌មាន AFP ថា «អង្គការសុខភាពពិភពលោក(WHO) ជាមួយដៃគូរបស់ខ្លួនមានតួនាទីយ៉ាងសំខាន់ក្នុងការទ្រទ្រង់ប្រព័ន្ធថែទាំសុខភាព ការស្តារឡើងវិញនូវប្រព័ន្ធថែទាំសុខភាពនិង ការបណ្តុះបណ្តាលក្រុមគ្រូពេទ្យសង្គ្រោះបន្ទាន់។

លោកស្រីនិយាយថា «កម្មវិធីភាគច្រើន បច្ចុប្បន្ននេះត្រូវបានបញ្ឈប់ ឬពុំអាចបន្តបានទេ»។ ការកាត់មូលនិធិទំនងជានឹងរារាំងដល់សមត្ថភាពក្នុងការបន្តផ្តល់ជំនួយដ៏រឹងមាំដល់សហគមន៍នានាដែលត្រូវការ ការថែទាំដោយអស់សង្ឃឹម។