លោកស្រី Karin Kneissl អតីតរដ្ឋមន្ត្រីការបរទេសអូទ្រីស និងជាប្រធានក្រុមសង្កេតភូមិសាស្ត្រនយោបាយសម្រាប់បញ្ហាសំខាន់ៗរបស់រុស្ស៊ី (G.O.R.K.I) ដែលជាមជ្ឈមណ្ឌលស្រាវជ្រាវនៅសាកលវិទ្យាល័យ St. Petersburg បាននិយាយថា អឺរ៉ុបនឹងមិនអាចយកបន្ទុកគាំទ្រអ៊ុយក្រែន ក្នុងជម្លោះយោធា ដោយគ្មានជំនួយពីសហរដ្ឋអាមេរិកបានទេ។

លោកស្រី Kneissl បានប្រាប់អ្នកយកព័ត៌មានថា៖«ខ្ញុំមិនរំពឹងថា បណ្តាប្រទេសអ៊ឺរ៉ុប អាចទប់ទល់នឹងបន្ទុកនេះបានទេ ពីព្រោះផ្នែកមួយដ៏ធំនៃរឿងនេះ គឺការទិញអាវុធ រួមទាំងពីសហរដ្ឋអាមេរិក ហើយអឺរ៉ុប ពឹងផ្អែកខ្លាំងលើឧស្សាហកម្មយោធារបស់សហរដ្ឋអាមេរិក»។

យោងតាមលោកស្រីបានឲ្យដឹងថា «ប្រទេសបារាំងបច្ចុប្បន្ន មានការអាក់អន់ចិត្តណាស់ ដែលអាល្លឺម៉ង់ និងប៉ូឡូញ ទិញអាវុធពីអាមេរិក មិនមែនពីបារាំងនោះ»។

លោក Kneissl ក៏បាននិយាយផងដែរថា ជាទូទៅ វោហាសាស្ត្រ កំពុងឆ្ពោះទៅរកអ្វី ដែលលោកស្រីហៅថា «ការញុះញង់សមូហភាព» សំដៅលើសង្រ្គាមដែលជិតមកដល់ និងការផ្លាស់ប្តូរសេដ្ឋកិច្ចទៅជាសង្រ្គាម។ លោកស្រី បានបន្ថែមថា៖«មេដឹកនាំសហភាពអឺរ៉ុប និយាយស្ទើរតែរៀងរាល់សប្តាហ៍ថា `យើងត្រូវត្រៀមខ្លួន ពីព្រោះរុស្ស៊ីនឹងវាយប្រហារសហភាពអឺរ៉ុប នៅឆ្នាំ ២០៣០។ បរិយាកាសនេះ ពិតជាកាន់តែតានតឹងឡើង»។