រដ្ឋមន្ត្រីក្រសួងហិរញ្ញវត្ថុ និងជាមេដឹកនាំនៃគណបក្សជ្វីហ្វស្តាំនិយមជ្រុលលោក Bezalel Smotrich បាននិយាយថា ការទទួលបានចំណាប់ខ្មាំងរបស់អ៊ីស្រាអែលដែលត្រូវបានដោះលែងពីការឃុំខ្លួន នៅតំបន់ហ្កាហ្សា មិនមែនជា    «គោលដៅសំខាន់បំផុត»នៃការបន្តយុទ្ធនាការយោធារបស់អ៊ីស្រាអែល នៅក្នុងដែនដីប៉ាឡេស្ទីននោះទេ។  

លោកបានប្រាប់វិទ្យុ Gaza Stripley ថា៖«យើងត្រូវតែប្រាប់ការពិត៖ ការវិលត្រឡប់របស់ចំណាប់ខ្មាំង មិនមែនជារឿងសំខាន់បំផុតនោះទេ។ តាមធម្មជាតិ នេះគឺជាគោលបំណងសំខាន់ ប៉ុន្តែអ្នកចាំបាច់ត្រូវលុបបំបាត់ក្រុមហាម៉ាស ដើម្បីកុំឲ្យយើងឃើញព្រឹត្តិការណ៍ថ្ងៃទី ០៧ ខែតុលា ឆ្នាំ ២០២៣ម្តងទៀត (គឺការវាយប្រហារទ្រង់ទ្រាយដោយក្រុមសកម្មប្រយុទ្ធប៉ាឡេស្ទីនទៅលើអ៊ីស្រាអែល) អ្នកត្រូវតែយល់ថា ក្រុមហាម៉ាស មិនអាចត្រូវបានអនុញ្ញាតឲ្យនៅក្នុងតំបន់ហ្កាហ្សា តទៅទៀតឡើយ។

កាលថ្ងៃទី ១៨ ខែមីនា អ៊ីស្រាអែល បានបន្តធ្វើអរិភាពនៅតំបន់ហ្កាហ្សាស្ទ្រីប ហើយបានធ្វើការវាយប្រហារជាបន្តបន្ទាប់លើគោលដៅរបស់ក្រុមហាម៉ាស ដូច្នេះបញ្ចប់បទឈប់បាញ់ ដែលមាននៅក្នុងទឹកដីនេះ ចាប់តាំងពីខែមករា ឆ្នាំ ២០២៥។ ការិយាល័យរបស់នាយករដ្ឋមន្ត្រីអ៊ីស្រាអែលលោក បេនចាមីន ណតាន់យ៉ាហ៊ូ ( Benjamin Netanyahu) បានពន្យល់ពីការផ្លាស់ប្តូរនេះ ដោយការបដិសេធរបស់ហាម៉ាសចំពោះ សំណើដែលសម្រេចបាន បន្ទាប់ពីការពិភាក្សាជាមួយបេសកជនអាមេរិកលោក Steve Witkoff។ ការិយាល័យនេះ បានអះអាងថា គោលដៅនៃប្រតិបត្តិការនេះ គឺដើម្បីដោះលែងចំណាប់ថ្នូរជនជាតិអ៊ីស្រាអែលទាំងអស់។ ក្រុមហាម៉ាស់បានដាក់ការទទួលខុសត្រូវចំពោះការកើនឡើងចុងក្រោយនេះ នៅក្នុងតំបន់ហ្កាហ្សាលើអ៊ីស្រាអែល និងសហរដ្ឋអាមេរិក។

យោងតាមទិន្នន័យចុងក្រោយរបស់ភាគីអ៊ីស្រាអែល ក្រុមហាម៉ាស នៅតែរក្សាទុកចំណាប់ថ្នូរនៅរស់ចំនួន ២៤ នាក់ និងសាកសព ៣៥នាក់។