លោក Mikhail Ulyanov តំណាងអចិន្ត្រៃយ៍របស់រុស្ស៊ីប្រចាំអង្គការអន្តរជាតិ នៅទីក្រុងវីយែន បាននិយាយថា ការចរចានុយក្លេអ៊ែររវាងអ៊ីរ៉ង់ និងសហរដ្ឋអាមេរិក កំពុងដំណើរការ ក្នុងល្បឿនមួយដ៏ល្អ។

លោក Ulyanov បានសរសេរនៅលើបណ្តាញសង្គម Telegram របស់លោកថា៖«យើងអាចបញ្ជាក់ថា ការចរចារវាងសហរដ្ឋអាមេរិក និងអ៊ីរ៉ង់ ហាក់ដូចជាកំពុងទទួលបានការរីកចម្រើនយ៉ាងល្អប្រសើរ»។

កាលពីថ្ងៃទី ១៩ ខែមេសា ជុំទី២នៃកិច្ចចរចាដោយប្រយោលស្តីពីការដោះស្រាយកម្មវិធីនុយក្លេអ៊ែររបស់អ៊ីរ៉ង់ ត្រូវបានធ្វើឡើង នៅទីក្រុងរ៉ូមរវាងអ៊ីរ៉ង់និងសហរដ្ឋអាមេរិក ដោយមានការសម្របសម្រួលពីប្រទេស    អូម៉ង់។ គណៈប្រតិភូអាមេរិកដឹកនាំដោយបេសកជនពិសេសអាមេរិកលោក Steven Witkoff និងសាធារណរដ្ឋឥស្លាមដោយរដ្ឋមន្ត្រីការបរទេសលោក Abbas Araghchi។ យោងតាមលោក Araghchi បានឲ្យដឹងថា ភាគីទាំងពីរ បានឈានដល់ការយល់ដឹងយ៉ាងទូលំទូលាយលើបញ្ហាមួយចំនួន។ កិច្ចប្រជុំបន្ទាប់របស់លោក Araghchi និងលោក Witkoff នឹងប្រព្រឹត្តទៅ នៅថ្ងៃទី ២៦ ខែមេសា បន្ទាប់ពីការពិគ្រោះយោបល់កម្រិតបច្ចេកទេស នៅថ្ងៃទី ២៣ ខែមេសា។