ប្រធានាធិបតីម៉ិកស៊ិក លោកស្រី ក្លៅឌៀ សេនបោម(Claudia Sheinbaum) កាលពីថ្ងៃចន្ទបានរិះគន់យុទ្ធនាការផ្សព្វផ្សាយប្រឆាំងជនអន្តោប្រវេសន៍ដែលធ្វើឡើងដោយរដ្ឋាភិបាលសហរដ្ឋអាមេរិក និងបានចាក់ផ្សាយដោយស្ថានីយ៍ទូរទស្សន៍ឯកជនម៉ិកស៊ិក។

នៅក្នុងសន្និសិទសារព័ត៌មានប្រចាំថ្ងៃ លោកស្រីប្រធានាធិបតីបានរិះគន់ការផ្សព្វផ្សាយនេះដោយនិយាយថាវាមាន «មាតិការើសអើងខ្លាំង» និង «វាយប្រហារលើសេចក្តីថ្លៃថ្នូររបស់មនុស្ស ហើយអាចជំរុញឱ្យមានការបដិសេធ និងអំពើហិង្សាប្រឆាំងជនអន្តោប្រវេសន៍»។

រដ្ឋបាលរបស់លោកស្រី បានស្នើសុំជាផ្លូវការឲ្យដកចេញ ដោយលោកស្រីនិយាយបន្ថែមថា រដ្ឋធម្មនុញ្ញរបស់ប្រទេសម៉ិកស៊ិក ហាមប្រាម «រាល់ទង្វើ ឬការអនុវត្តនៃការរើសអើង» ហើយច្បាប់ទូរគមនាគមន៍សហព័ន្ធចែងថា «ការផ្សព្វផ្សាយកម្មវិធីក្នុងក្របខណ្ឌសេរីភាពនៃការបញ្ចេញមតិ ត្រូវតែធ្វើឲ្យប្រសើរការផ្សព្វផ្សាយតម្លៃសិល្បៈ ប្រវត្តិសាស្រ្ត វប្បធម៌ ឯកភាពជាតិ និងការគោរពសិទ្ធិមនុស្ស ជាគោលការណ៍ដែលត្រូវបានបំពានដោយក្រសួងសន្តិសុខមាតុភូមិរបស់សហរដ្ឋអាមេរិក។

លោកស្រីបន្តថា «បញ្ហា គឺគេចំណាយលុយដើម្បីអាចផ្សព្វផ្សាយយុទ្ធនាការបែបនេះ ជាការឃោសនា សាររើសអើង។