រដ្ឋបាលនៃអាជ្ញាធរប៉ាឡេស្ទីន បាននិយាយថា ស្ថានភាពនៅតំបន់ហ្កាហ្សាស្ទ្រីប និងតំបន់វេបែង( West Bank) កាន់តែអាក្រក់ឡើងៗ ដោយសារសកម្មភាពរបស់អ៊ីស្រាអែល ដោយមនុស្សប្រហែលពីរលាននាក់កំពុងត្រូវការជំនួយមនុស្សធម៌ ដែលមិនអាចទៅដល់តំបន់ត្រូវបានហ៊ុមព័ទ្ធនេះ។

ទីភ្នាក់ងារ WAFA បានដកស្រង់សម្តីរដ្ឋបាលនេះ ដែលបាននិយាយថា៖«សង្រ្គាមប្រល័យពូជសាសន៍របស់អ៊ីស្រាអែលប្រឆាំងនឹងប្រជាជនប៉ាឡេស្ទីន កំពុងកើនឡើង នៅក្នុងតំបន់ហ្កាហ្សាស្ទ្រីប និងតំបន់វេសបែង។

បន្ទាប់ពីការរំលោភលើបទឈប់បាញ់ កាលពីថ្ងៃទី១៨ ខែមីនា ឆ្នាំ២០២៥ ជនជាតិប៉ាឡេស្ទីនចំនួន ១.៨២៧ នាក់ ត្រូវបានសម្លាប់ និង ៤.៨២៨នាក់ទៀត បានរងរបួស នៅក្នុងការវាយឆ្មក់របស់អ៊ីស្រាអែលលើតំបន់ហ្កាហ្សាស្ទ្រីប។ ក្រៅពីនោះ មនុស្សជាង ៤២០.០០០នាក់ ត្រូវបានជម្លៀសដោយបង្ខំ។ រដ្ឋបាលនេះ បាននិយាយថា៖«ប្រព័ន្ធសុខភាពសាធារណៈ ត្រូវបានបំផ្លិចបំផ្លាញ ហាងនំប៉័ងមិនដំណើរការ។ ប្រជាជនប៉ាឡេស្ទីនពីរលាននាក់ ពឹងផ្អែកទាំងស្រុងលើជំនួយសង្គ្រោះ ដែលមិនអនុញ្ញាតឲ្យចូលទៅតំបន់ហ្កាហ្សាស្ទ្រីប ដោយអ៊ីស្រាអែល»។