បណ្ដាមេដឹកនាំពិភពលោកជាច្រើនបានប្រកាសធ្វើដំណើរទៅកាន់ទីក្រុងរ៉ូមចូលរួមពិធីបុណ្យព្រះសពរបស់សម្តេចប៉ាបហ្វ្រង់ស៊ីស នៅថ្ងៃសៅរ៍សប្ដាហ៍នេះ ដែលត្រូវបានគេរំពឹងថានឹងទាក់ទាញហ្វូងមនុស្សយ៉ាងច្រើនទៅកាន់ទីលានចតុរង្គមុខព្រះវិហារ St Peter's Basilica នៅបុរីវ៉ាទីកង់។  

ប្រធានាធិបតីអាមេរិក Donald Trump និងស្ត្រីទី១ Melania នឹងចូលរួម។ លោក Trump បាននិយាយនៅក្នុងការបង្ហោះប្រព័ន្ធផ្សព្វផ្សាយសង្គមថា "យើងទន្ទឹងរង់ចាំទៅកាន់នៅទីនោះ!"។

ប្រធានាធិបតីអាហ្សង់ទីនលោក Javier Milei ជាទីដែលសម្តេចប៉ាបបានប្រសូត្រនៅឆ្នាំ១៩៣៦ ក៏នឹងចូលរួមដែរ។លោកប្រធានាធិបតីប្រេស៊ីលLuiz Inacio Lula da Silva នឹងចូលរួមជាមួយភរិយារបស់លោក Janja ។

ការិយាល័យរបស់អគ្គលេខាធិការអង្គការសហប្រជាជាតិ លោក Antonio Guterres លោកបាននិយាយថា លោកGuterres នឹងចូលរួមពិធីបុណ្យព្រះសពនោះដែរ។ប្រធានគណៈកម្មការសហភាពអឺរ៉ុបលោកស្រី Ursula von der Leyen និងលោក Antonio Costa ប្រធានក្រុមប្រឹក្សាអឺរ៉ុប នឹងធ្វើដំណើរទៅកាន់ទីក្រុងរ៉ូម ប្រទេសអ៊ីតាលីដើម្បីចូលរួមព្រះរាជ្យពិធីបុណ្យនោះ។

នាយករដ្ឋមន្ត្រីចក្រភពអង់គ្លេសលោក Keir Starmer នឹងចូលរួម ហើយព្រះអង្គម្ចាស់ William ក៏នឹងយាងទៅតំណាងប្រមុខរដ្ឋរបស់ព្រះមហាក្សត្រ Charles III ផងដែរ។

ប្រធានាធិបតីអៀរឡង់លោក Micheal Higgins និងស្ត្រីទី១ នឹងធ្វើដំណើរទៅកាន់ទីក្រុងរ៉ូម សម្រាប់ពិធីនេះ  រួមជាមួយនាយករដ្ឋមន្ត្រី Micheal Martin ។ព្រះបរមរាជវាំងបាននិយាយថាព្រះមហាក្សត្រ Felipe ទី៦ និងម្ចាស់ក្សត្រី Letizia របស់ប្រទេសអេស្ប៉ាញនឹងយាងចូលរួម។

ប្រធានាធិបតីបារាំងលោក Emmanuel Macron ដែលបានកាត់បន្ថយរយៈពេលដំណើរទស្សនកិច្ចទៅកាន់តំបន់មហាសមុទ្រឥណ្ឌាបន្ទាប់ពីការសោយទវង្គតរបស់សម្តេចប៉ាប បានប្រាប់អ្នកសារព័ត៌មានថាយើងនឹងចូលរួមព្រះរាជ្យពិធីបុណ្យសពសម្តេចប៉ាប។អធិការបតីអាល្លឺម៉ង់លោក Olaf Scholz ដែលជិតផុតអាណត្តិក៏ត្រូវបានរំពឹងទុក រួមជាមួយនឹងប្រធានាធិបតី Frank-Walter Steinmeier ដែលនឹងដឹកនាំគណៈប្រតិភូអាល្លឺម៉ង់។ លោកប្រធានាធិបតីអ៊ុយក្រែន Volodymyr Zelenskyy ប្រធានាធិបតីប៉ូឡូញ នាយករដ្ឋមន្ត្រីបែលហ្ស៊ិកនិងមេដឹកនាំពិភពលោកជាច្រើនទៀត ក៏បានបញ្ជាក់ពីការចូលរួមផងដែរ តែលោកPutin មិនចូលរួមទេ៕