មន្ត្រីជាន់ខ្ពស់មកពីទីភ្នាក់ងារជំនួយនិងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេ ស្ទីន នៅតំបន់ដើមបូព៌ា (UNRWA) កាលពីថ្ងៃអង្គារ បានចោទប្រកាន់អ៊ីស្រាអែលថា បានប្រើប្រាស់ជំនួយមនុស្សធម៌ជា «អាវុធនៃសង្គ្រាម»ប្រឆាំងនឹងតំបន់ហ្កាហ្សាស្ទ្រី។

នៅក្នុងសេចក្តីថ្លែងការណ៍មួយ អគ្គស្នងការ UNRWA លោក Philippe Lazzarini បាននិយាយថា ដែនដីប៉ាឡេស្ទី ត្រូវស្ថិតនៅក្រោមការឡោមព័ទ្ធរបស់អ៊ីស្រាអែលទាំងស្រុង អស់រយៈពេល ៥០ថ្ងៃ ដោយព្រមានថា ភាពស្រេកឃ្លាន កំពុងរីករាលដាល និងកាន់តែអាក្រក់ឡើងៗ ដោយពណ៌នាអំពីស្ថានភាពនេះថា ជា «ចេតនា និងបង្កើតឡើងដោយមនុស្ស»។

លោកបាននិយាយថា តំបន់ហ្កាហ្សា បានក្លាយទៅជា «ទឹកដីនៃភាពអស់សង្ឃឹម» ដែលមនុស្ស ២លាននាក់ ត្រូវទទួលរង «ការដាក់ទណ្ឌកម្មរួម» ខណៈពេលដែលអ្នករបួស អ្នកឈឺ និងមនុស្សចាស់ ត្រូវបានដកហូតថ្នាំព្យាយាម និងការថែទាំសុខភាពសំខាន់ៗ។

មន្ត្រីអង្គការសហប្រជាជាតិរូបនេះ បាននិយាយថា ភ្នាក់ងារមនុស្សធម៌ រួមទាំង UNRWA មានរថយន្តប្រហែល ៣.000គ្រឿង ដែលផ្ទុកដោយជំនួយសង្គ្រោះអាយុជីវិត កំពុងរង់ចាំចូលទៅក្នុងតំបន់ហ្កាហ្សា ដោយបញ្ជាក់ពីតម្រូវការបន្ទាន់ ដើម្បីដកការបិទ សម្រួលដល់ការចូលជំនួយជាបន្ទាន់ ដោះលែងចំណាប់ថ្នូរ និងបន្តបទឈប់បាញ់។

ទន្ទឹមនឹងនេះ អាជ្ញាធរសុខាភិបាលដែលមានមូលដ្ឋាននៅតំបន់ហ្កាហ្សា បាននិយាយកាលពីថ្ងៃអង្គារថា អ៊ីស្រាអែល បាននឹងកំពុងរារាំងមិនឲ្យចូលនូវវ៉ាក់សាំងការពារជំងឺស្វិតដៃជើង រយៈពេល ៤០ថ្ងៃ ជាប់ៗគ្នា។