អភិបាលតំបន់បាននិយាយថា កងកម្លាំងរុស្ស៊ី បានបំផ្លាញរោងចក្រថាមពលមួយ នៅក្នុងតំបន់ Kherson ភាគខាងត្បូងប្រទេសអ៊ុយក្រែន នៅព្រឹកថ្ងៃពុធនេះ។

លោក Oleksandr Prokudin បាននិយាយថា រោងចក្រដែលផ្គត់ផ្គង់អគ្គិសនីដល់ទីក្រុង Kherson បានរងការវាយប្រហារដោយកាំភ្លើងធំ និងយានដ្រូនរបស់រុស្ស៊ី អស់រយៈពេលជាង ២៤ម៉ោង។

លោក Prokudin បាននិយាយនៅលើបណ្តាញសង្គម Telegram ថា៖«យោធារបស់យើង បានប្រយុទ្ធពេញមួយយប់ ដើម្បីទប់ទល់នឹងការវាយប្រហាររបស់សត្រូវ។ ទោះបីជាយ៉ាងណាក៏ដោយ នៅពេលព្រឹកនេះ ជនជាតិរុស្ស៊ី បានជោគជ័យ ក្នុងការបំផ្លាញរោងចក្រថាមពល»។

លោកបានបន្ថែមថា ការវាយប្រហារដោយយានដ្រូន កំពុងបន្ត ហើយអាចនឹងមានការដាច់ចរន្តអគ្គិសនីជាបន្ទាន់ ខណៈដែលបុគ្គលិកថាមពល កំពុងធ្វើការ ដើម្បីធ្វើឲ្យស្ថានការណ៍មានស្ថិរភាព។