ក្រោយបទឈប់បាញ់រយៈពេលខ្លីរវាងអ៊ីស្រាអែល និងក្រុមហាម៉ាស អ៊ីស្រាអែលបានប៉ុនប៉ងជាថ្មី ដើម្បីកាត់ផ្តាច់ក្រុមហាម៉ាសពីការទទួលបានប្រភពមូលនិធិរបស់ពួកគេ ។

កាលពីខែមុន អ៊ីស្រាអែលបានកាត់ផ្តាច់ការដឹកជញ្ជូនជំនួយមនុស្សធម៌ទៅកាន់តំបន់ហ្កាហ្សា ក្រោយការចោតប្រកាន់អនាមិកថា ក្រុមជីវពលហាម៉ាសបានរឹបអូស និងលក់ជំនួយ ដើម្បីរកមូលនិធិ ។

កាសែត Wall Street Journal រាយការណ៍ថា អ៊ីស្រាអែល បានសម្លាប់ក្រុមមន្រ្តីហាម៉ាសផងដែរដែលមានតួនាទីផ្តល់ហិរញ្ញវត្ថុសំខាន់នៅក្នុងអង្គការភេរវកម្មមួយនេះ ។

លោក Eyal Ofer គឺជាអ្នកជំនាញលើសេដ្ឋកិច្ចតំបន់ហ្កាហ្សា និយាយថា បើទោះបីជាពួកគេអង្គុយលើគំនរមាសបា្រក់ដ៏ច្រើនយ៉ាងណាក្តី សមត្ថភាពរបស់ពួកគេក្នុងការចាយប្រាក់ទាំងនេះ មានដែនកំណត់នៅពេលនេះ ។

លោកបាននិយាយប្រាប់កាសែត Wall Street Journalថា តាមធម្មតា ក្រុមហាម៉ាសផ្គត់ផ្គង់ការទូទាត់តាមរយៈអ្នកនាំសំបុត្រ ឬទីតាំងទូទាត់តាមភូមិសាស្ត្រ ។ ទោះបីជាយ៉ាងណាក៏ដោយ មធ្យោបាយទាំង ២នេះ នឹងទទួលបានការចាប់អារម្មណ៍ច្រើន ។

ដោយឡែក លោក Moumen Al-Natour គឺជាមេធាវីប៉ាឡេស្ទីនមកពីជំរំ Al-Shati ស្ថិតនៅកណ្តាលតំបន់ហ្កាហ្សា និងជាជនប្រឆាំងក្រុមហាម៉ាស រាយការណ៍ថា ក្រុមហាម៉ាសមានវិបត្តិធំក្នុងដៃរបស់ពួកគេ មេដឹកនាំក្រុមមួយនេះ ពឹងផ្អែកខ្លាំងលើជំនួយមនុស្សធម៌ដែលលក់នៅក្នុងទីផ្សារងងឹត ដើម្បីទទួលបានប្រាក់ ៕