ភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជាបានថ្លែងអំណរគុណដល់លោកជំទាវ ផេថងថាន ស៊ីណាវ៉ាត្រ នាយករដ្ឋមន្រ្តីប្រទេសថៃ ដែលបានយកចិត្តទុកដាក់ចំពោះពលករខ្មែរដែលកំពុងធ្វើការ នៅប្រទេសថៃទាំងពេលកន្លងមក និងបច្ចុប្បន្ន។ នេះបើតាមការលើកឡើងរបស់អ្នកនាំពាក្យព្រឹទ្ធសភា ឯកឧត្តម ជា ធីរិទ្ធ ដែលបានប្រាប់អ្នកសារព័ត៌មានតាមរយៈតេលេក្រាមនាល្ងាចថ្ងៃទី២៣ ខែមេសា ឆ្នាំ២០២៥នេះ ស្តីពី លទ្ធផលនៃកិច្ចជំនួបរវាងសម្តេចតេជោ ហ៊ុន សែន និងនាយករដ្ឋមន្រ្តីថៃ។

 ឯកឧត្តម ជា ធីរិទ្ធ បានលើកឡើងថា នៅក្នុងកិច្ចជំនួបរវាងសម្តេចតេជោ ហ៊ុន សែន ប្រធានព្រឹទ្ធ សភាកម្ពុជា និងលោកជំទាវនាយករដ្ឋមន្រ្តីថៃ នៅវិមានព្រឹទ្ធសភានោះគឺបានពិភាក្សាគ្នាជាច្រើនទាក់ទងនឹងកិច្ចសហប្រតិបត្តិ ការរវាងប្រទេសកម្ពុជា និងថៃតាំងពីដើមរហូតដល់បច្ចុប្បន្ន។ ឯកឧត្តម ជា ធីរិទ្ធ បាន ឲ្យដឹងទៀតថា ក្នុងកិច្ចជំនួបនោះ សម្តេចតេជោ ហ៊ុន សែន ក៏បានឆ្លៀតឱកាសថ្លែងអំណរគុណដល់លោក ជំទាវ ផេថងថាន ស៊ីណាវ៉ាត្រនាយករដ្ឋមន្រ្តី ដែលបានយកចិត្តទុកដាក់ដល់ពលករខ្មែរ ដែលកំពុងធ្វើការនៅប្រទេសថៃ ខណៈសម្តេចតេជោ បានចាត់ទុកថាពលករខ្មែរដែលកំពុងធ្វើការនៅប្រទេសថៃនោះបាន ចូលរួមចំណែកជួយដល់សេដ្ឋកិច្ចកម្ពុជា ហើយមួយវិញទៀតសោធបងប្អូនពលករខ្មែរទាំងនោះក៏បានជួយជំរុញដល់សេដ្ឋកិច្ចប្រទេសថៃផងដែរ។

 បើតាមអ្នកនាំពាក្យព្រឹទ្ធសភា ក៏បានលើកឡើងផងដែរថា នៅក្នុងកិច្ចជំនួបពិភាក្សានោះដែរ សម្តេច តេជោ ហ៊ុន សែន និងលោកជំទាវនាយករដ្ឋមន្រ្តីថៃ ក៏បានពិភាក្សាចែករំលែកគ្នា និងផ្លាស់ប្តូរយោ បល់គ្នាទាក់ទងនឹងបញ្ហាភូមិសាស្រ្តនយោបាយ ក៏ដូចជាបញ្ហាសង្រ្គាមពាណិជ្ជកម្មពិភពលោកនាពេល បច្ចុប្បន្នផងដែរ៕

អត្ថបទ បាន ចក់​