នៅក្នុងចំណាត់ការចុងក្រោយរបស់លោកដែលដាក់សម្ពាធលើសកលវិទ្យាល័យអាមេរិក លោកប្រធានាធិបតី Donald Trump កាលពីថ្ងៃពុធ បានចុះហត្ថលេខាលើក្រឹត្យដែលមានបំណងពង្រឹងស្តង់ដារសម្រាប់ការទទួលស្គាល់មហាវិទ្យាល័យ ដែលជាតម្រូវការដើម្បីទទួលបានជំនួយហិរញ្ញវត្ថុរាប់ពាន់លានដុល្លារសម្រាប់និស្សិតសហព័ន្ធ ។

ក្រឹត្យនេះ គឺជាចំណាត់ការមួយក្នុងចំណោមចំណាត់ការទាក់ទងទៅនឹងវិស័យអប់រំចំនួន៧ ដែលធ្វើឡើងដោយប្រធានាធិបតី ក្នុងអំឡុងពេលព្រឹត្តិការណ៍មួយនៅក្នុងការិយាល័យ Oval Office។

វាបានគ្របដណ្តប់លើប្រធានបទជាច្រើន រួមមានទាំងការជំរុញសមត្ថភាពបញ្ញាសិប្បនិមិត្ត(AI) នៅក្នុងសាលារៀន និងការធ្វើឲ្យប្រសើរការបណ្តុះបណ្តាលការងារសម្រាប់ពាណិជ្ជកម្មជំនាញ។

រដ្ឋបាលរបស់លោកTrump បានបង្កកប្រាក់រាប់រយលានដុល្លាររួចហើយ ក្នុងការផ្តល់មូលនិធិសហព័ន្ធសម្រាប់សាកលវិទ្យាល័យជាច្រើន ដោយដាក់សម្ពាធឱ្យស្ថាប័ននានាធ្វើការផ្លាស់ប្តូរគោលការណ៍ និងលើកឡើងពីអ្វីដែលខ្លួននិយាយថាជាការបរាជ័យក្នុងការប្រយុទ្ធប្រឆាំងទៅនឹងការប្រឆាំងជនជាតិជ្វីហ្វនៅក្នុងបរិវេណសាលារៀន ខណៈសាកលវិទ្យាល័យ Harvard កំពុងប្តឹងរដ្ឋបាលនេះ ជុំវិញការបង្កកមូលនិធិ។

ខណៈរដ្ឋាភិបាលសហព័ន្ធ មិនទទួលស្គាល់សាកលវិទ្យាល័យសហរដ្ឋអាមេរិកដោយផ្ទាល់ រដ្ឋាភិបាលមានតួនាទីក្នុងការត្រួតពិនិត្យអង្គការឯកជនភាគច្រើនដែលអនុវត្តដូច្នេះ។ ការទទួលស្គាល់នេះ គឺជាតម្រូវការសម្រាប់មហាវិទ្យាល័យនានាដើម្បីទទួលបានប្រាក់កម្ចី និងជំនួយឥតសំណងរបស់និស្សិតសហព័ន្ធ។