បាតុកររាប់ពាន់នាក់ បានបិទផ្លូវក្នុងទីក្រុង La Paz ប្រទេសបូលីវី កាលពីថ្ងៃពុធ ដោយទាមទារឱ្យមានចំណាត់ការដើម្បីដោះស្រាយវិបត្តិសេដ្ឋកិច្ច ដែលបាននាំឱ្យតម្លៃនៅក្នុងប្រទេសតំបន់ភ្នំអង់មួយនេះហក់ឡើងក្នុងល្បឿនលឿនបំផុត ក្នុងរយៈពេលជិតពីរទសវត្សរ៍មកនេះ ជំរុញដោយកង្វះប្រេងឥន្ធនៈ និងប្រាក់ដុល្លារ។

ការដង្ហែរក្បួនបាតុកម្មចំនួនពីរ បានមកប្រមូលផ្តុំគ្នានៅក្នុងរដ្ឋធានី ទាមទាររកដំណោះស្រាយ។

ប្រព័ន្ធផ្សព្វផ្សាយប្រទេសបូលីវី បានរាយការណ៍ថា អ្នករុករករ៉ែ បានរិះគន់អតិផរណាគ្រឿងបំផ្ទុះ ដែលជាធាតុសំខាន់ដើម្បីអនុវត្តសកម្មភាពការងាររបស់ពួកគេ។

នៅក្រោមផ្ទាំងបដានៃពាក្យថា «ដង្ហែរបាតុកម្មប្រឆាំងនឹងភាពក្រីក្រ» បាតុកម្មពហុវិស័យនេះ បានប្រមូលផ្តុំរួមគ្នាកសិករនិងកម្មករមកពីអាជីវកម្មចម្រុះ ដែលបង្ហាញពីកង្វះប្រេងឥន្ធនៈដ៏សំខាន់ដែលធ្វើឲ្យប៉ះពាល់ដល់រដូវប្រមូលផលដែលកំពុងបន្ត ក្នុងចំណោមបញ្ហាសំខាន់ៗផ្សេងទៀត។

រដ្ឋមន្ត្រីក្រសួងរ៉ែ លោក Alejandro Santos បាននិយាយថា សហព័ន្ធជាតិនៃសហករណ៍រុករករ៉ែ ប្រទេសបូលីវី បានបញ្ឈប់កិច្ចខិតខំសន្ទនា ដូច្នេះពួកគេអាចចូលរួមដោយផ្ទាល់ជាមួយប្រធានាធិបតី លោក លូអ៊ីស អាស(Luis Arce) ។

អ្នកផលិតឧស្ម័នធម្មជាតិ និងគ្រាប់ធញ្ញជាតិដែលជាប់គាំង កំពុងប្រឈមស្ថានភាពសេដ្ឋកិច្ចធ្ងន់ធ្ងរបំផុតរបស់ខ្លួនចាប់តាំងពីវិបត្តិហិរញ្ញវត្ថុពិភពលោក ដោយទុនបំរុងរូបិយប័ណ្ណបរទេសធ្លាក់ចុះលើផលិតកម្មថាមពល និងការនាំចេញដែលជាប់គាំង ដែលបានបង្កឱ្យមានភាពវឹកវរនយោបាយ និងការតវ៉ា។